Sávvet iežaset boarrásiid beassat ain ássat gilis
Ihttin mearriduvvo suohkanstivrras mii Máze servicesenteriin galgá dahkkot. Máze giliolbmuin lea čielga sávaldat, ja sávvet ahte suohkanstivra doarju sin.
Luostejok Kraftlag SA elfápmoásahus Porsáŋggu gielddas lea ohcan Norgga čáhcádat-ja energiijadirektoráhtas (NVE) ahte háliidivčče beassat eret uhcimus čáhceluoitima, 0,8 m3/s gáibádusas, Gákkajávrris ja meattá Luostejoga elrávdnjerusttega. Luostejohka lea oassi Leavnnjajoga čáhcádagas mii lea našunála luossajohka ja gáhttejuvvon čáhcádagaid suodjalanplánas.
– Mii leat dien ášši juo meannudan stivrras. Ii mis leat makkárge ágga dasa go lea nu uhca oassi čáhcádagas masa dat váikkuha. Leavnnja eanaeaiggátsearvvi stivra oaivvilda dan. Dás lea dušše sáhka moaddečuođi mehteris. Čáhcádagas leamaš biologalaš iskamat ja justa dákko eai leat galle luossaveajeha, eai ge lean gođđanbáikkit dás. Danin mii oaivvildat dát čáhceluoitingeahpedeapmi ii váikkut olus Leavnnjajohkii jus dan oppanassiige dan dahká, lohká Egil Liberg, gii lea Lakselv grunneierforening, Leavnnja eanaeaiggátsearvvi, jođiheaddji.
Uhcán váikkuha luossanállái
NVE čállá ahte Luostejok kraftverk ohcá beassat eret čáhceluoitima geahpedangáibádusas Gákkajávrris meattá Luostejok kraftverk rusttega moaddečuođi mehtera vuollelis. NVE dieđiha ahte gulahallanáigi lea guovvamánu 28. beaivi 2018 ja lea sáddejuvvon buot gulaskuddanásahusaide. Ášši lea gávdnamis Porsáŋggu gieldda ruovttusiiddus.
Luostejok Kraftlag SA oaččui ođasmahttot lobi ain reguleret Gákkajávrri 15.02.2008 gonagaslaš mearrádusas. Dalle gáibiduvvui maid ahte dán gaskkas galgá leat uhcimus čáhceluoitin 0,8 m3/s. Ovdal dán lobi ođasmahttima ii lean dakkár gáibádus. Luostejohka lea oassi Leavnnja
Lakselv grunneierforening lohká geahpedit čáhceluoitima Gákkajávrris Luostejohkii, nu mo Luostejok Kraftlag lea ohcan Norgga čáhcádat- ja energiijadirektoráhtas, ii váikkut Leavnnjajoga čázádaga luossanállái.
čáhcádagas mii lea našunála luossačáhcádat ja gáhttejuvvon čáhcádaga suodjalanplánas. Njuolggadusas čuožžu: Čáhceluoitin galgá leat uhcimus 0,8 m3/s. Jus lea uhcit, de galgá eambbo luitojuvvot. Uhcimus čáhceluoitingáibádusa sáhttá ođđasit árvvoštallat go leat guorahallan mo dát váikkuha luossanállái, gitta logi jahkái. Luostejok Kraftlag SA lea iskan mo čáhceluoitin váikkuha guliide 2014-2016 áigodaga ja lea gávnnahan ahte Luostejohka ii olus váikkut luossaguollenáliid buvttadeapmái. Danin ohcá el-fápmorusttet beassat eret uhcimus čáhceluoitingáibádusas.
Luohttá fágaolbmuide
Porsáŋggu gieldda várresátnejođiheaddji, Sosialisttalaš Gurutbel- lodaga Cecilie Gjennestad, lohká sus ii leat makkárge ágga caggat Luostejok Kraftlag ohcamuša beassat eret uhcimus čáhceluoitingáibádusas.
– Nu mo oainnán báhpáriin, de ii váikkut dát olus luossanállái. Dieđán earát lea dán ášši meannudan ja maiddái Leavnnja eanaeaiggátsearvi. Lean ovttaoaivilis Leavnnja eanaeaiggátservviin. Sii leat fágaolbmot ja mun luohtán sidjiide ollásit. Dál lea sáddejuvvon gulaskuddamii. In dieđe mii šaddá boađus dás, muhto in leat gullan ovttage vuosttaldeamen dán, lohká várresátnejođiheaddji Cecilie Gjennestad.