– Beakkálmasaid šadde vuordit
Go Sámi álbmotbeaivi galggai ávvuduvvot vuohččan, de leigga mázelaččat Johnny Haetta ja Ánte Jovna Gaup ođđaseamos sámi rockárat. Soai leigga Rockestálut ja jalla jálut.
– Moai lávlluime ja rockiime, moai leimme stuora násttit. Olbmot doško gieđaid ja čurvo ahte háliidedje gullat eambbo. Dien áigge leimme hui bivnnuha ja lei somá doallat konseartta vuosttaš Sámi álbmotbeaivvi. Mun muittán dien áiggi hui bures, muittaša Johnny Haetta gii lei 10-jahkásaš dan áigge.
Garra dálki
Sis-finnmárkkus ledje garra dálkkit guovvamánu 6. beaivvi 1993:s. Johnny Haetta muitala ahte ballagođiiga ahte eaba oba olle ge Kárášjohkii.
– Lei guoldu ja garra biegga, luodda lei gitta gaskal Láhpoluobbala ja Gárggoluobbala. Šattaimet vuordit oalle guhká ja ballagođiime ahte ean oba olle ge konsertii. Muhto go fuomášeimme ahte sámediggepresideanta Ole Henrik Magga lei seamma kolonnas, de ean dárbbašan šat hohpohallat. Jurddašeimme ahte násttiid hal gal lávejit vuordit. Mii vurddiimet badjel guokte diimmu ovdal beasaimet viidáseappot, dan gal muit-
Rockestáluguovttos galggaiga guoimmuhit Sámi álbmotbeaivvi vuosttaš ávvudoaluin Kárášjogas, muhto garra dálki masá bissehii Johnny Haetta ja Ánte Jovna Gaup. – Ballagođiime ahte ean olle rievttes áigái, muhto ean šat hohpohallan go fuomášeimme ahte sámediggepresideanta lei seamma kolonnaráiddus, muittaša Haetta.
tán dego livččii mannan dálvvi dáhpáhuvvan. Mun in jáhke diet luodda leamaš gitta dan rájes, dadjá Haetta.
Fiellada Romsii
Johnny Haetta ássá bearrašiinnis Mázes, ja muitala iežaset searvat Sámi álbmotbeaivvi doaluide gilážis. Ovdal go máhcce Mázii, de orui bearaš olu jagiid Tromssas.
– Romssas lávejit suohtasis ja stuora doalut, láven dohko fielladit Sámi álbmotbeaivvi. Mu mielas lea hui suohtas oaidnit ahte Sámi álbmotbeaivvi doalut leat šaddan nu stuorisin miehtá, dat čájeha ahte atnit árvvus iežamet