HOROSKOHPA - boahtte vahkku

FIERCA 21/3-19/4

Juoga man birra it leat ovddežis háleštan fas givssidišgoahtá. Dat sáhttá leat muhtin čiegus ášši man leat háliidan vajálduhttit. Dál lea vuogas áigi bargat ovttas earáiguin, ja das sáhttá leat boađus ruhtadili buorideapmi. Dál geahččaluvvojit dat mat dutnje leat árvvus, dan dovddat dutnje gullevažžan ja danin suhttadit sii geat jearahit dan birra. Don doalahat iežat oainnu, ja das čuožžilit garra digaštallamat.

VUOKSÁ 20/4-21/5

Don leat dál hui hutkái ja leat rabas smiehttat ođđa vugiid, muhto ovttasbarggus šattat navdálassan dahje smiehttagoađát menddo sakka buot iežas guvlui vuoitun. Muhtin joavkkus dahje organisašuvnnas beasat čájehit iežat máhtu. Muhto johtilit šattat idealisttalažžan, dahje tulkot boastut earáid, smiehtas ovdal go maidige cealkkát loahpalaččat. Oktasaš árvvuid vuođul rahpasa ođđa ustitbiras.

JUMEŽAT 21/5-21/6

Iežat lunddolaš geasuheaddjivuođain oaččut dál álkit oainnuidat čađa, ja duosttat maid váldit eanet ovddasvástádusa dál go muđui ja ozat ođđa gáibidahtti diliid. Dan seammás leat buorredáhtolaš, ja dan dihtii lea dus ovdáneapmi dahje ovddiduvvot, dan oktavuođas dovdet earát iežaset bázahallan. Guovttá gaskka háleštemiin johtilit suhtat ja dan suhtu fertet máhttit muddet.

REABBÁ 22/6-22/7

Barggus dahje skuvllas leat sihke doaimmalaš ja johtil, muhto sáhtát leat hohppui ja johtilit suhtihat. Lea hástalus heivehit iežat vuđolaš vuogádahkii, go dovddat ja dieđát mii galgá bargot. Loahppavahkus vásihat dan masa dus lei jáhkku hástaluvvo ja dainna earduduvvot. Muhto dat ođđa jurdagat hoigadit du viidáseappot, nu ahte geahččal baicce daid ovdal go vuollánit.

LEDJON 23/7-22/8

Dál leat bargomovttas ja dainna movttáskat ja vikkat buot bargat oktanaga. Dát sáhttá erenoamážit geavvat muhtin joavkkus dahje ustitbirrasis. Jus guldalat earáid árvalusaid, de oaččut álkibut olbmuid mielde. Muhtin ovttasbargu ovdána jus geahčat váttisvuođaid eará láhkái. Soaitá don fertet geahčadit fas ášši ođđasit vai beasat buktit konstruktiivvalaš gaskaneassoahpamušárvalusa.

BUHTISNIEIDA 23/8-22/9

Ruovttus šattat mášoheapmin ja dovddat iežat čadnon, dahje dovddat bággejuvvon geargat muhtin bargguin maid leat álggahan. Muhtimat mearkkašišgohtet du eallimis, ja máŋggalágan dovddut badjánit. Orru du mielas ahte muhtin bargá menddo ollu du ovddas ja viggá čalmmustahttit du, dahje oaččut maid doarjaga muhtimis gean anát árvvus. Guktuid dilálašvuođas dagat soahpamušaid ja soaitá dás ovddiduvvo vel ustitvuohta.

VIEHKAT 23/9-22/10

Rutiidnabarggut ja eanet dábálaš geatnegasvuođat fertejit gergot ovdal go oaččut stuorát hástalusaid. Jus dáid bargguid barggat, de oaččut eanet ovddasvástádusa ja luohttámuša. Lagašbirrasis earduduvvot dahje vásihat bahávuođa, ja danin gánniha leat erenoamáš diplomáhtalaš riidodilis. Ja dál erenoamážit giktaluvvot oaivvildit áššiid mat hárdet birrasa.

SKORPIUVDNA 23/10-21/11

Dál leat hutkái ja dus lea dárbbašlaš iešdovdu čájehit hutkáivuođa. Mánáid bokte leat maid hutkái ja ambišuvnnaidat čájehat dan láhkái, muhto ale vajálduhte ahte du geaidnu ja árvvut eai gula sidjiide. Ruhtagažaldagain leat hui duostil ja smiehtat stuoribut go muđui. Dárbbašlaš riiddut čuožžilit jus leat menddo vuovdnái.

BÁHČČI 22/11-21/12

Dus lea dál nana bargomokta ja bijat buot návccaid muhtin stuorra prošektii, muhto smiehtas fal dan olaheami ahte lea go dat dan veara. Návccaid ja doarjaga vieččat dál ruovttus dahje bearrašis, muhto doppe leat maid máŋggalágan oaivilat mo áššit galget doaibmat. Plánat ja fuomášumit sáhttet váikkuhuvvot romantihkalaš daguin, nu ahte biso fal julggiid alde ovdal go stuorát prošeavttaid álggahat.

BÁKTEBOHKKÁ 22/12-19/1

Stuorát mentálalaš doaimmain ja máŋggalágan beroštumiin lea váruhus ahte viegat áššis áššái. Geargga vuos ovttain bargguin, ovdal go fas manat viidásit ja movttáskat ođđa bargguid álggahit. Vuoiŋŋalaččat gávdnagoađát muhtin fuomášumi dahje mihtu mii addá movtta ja ođđa oainnu, muhto sáhttá maid gáibiduvvot ahte heaittát boares dábiiguin dahje daid árvvuiguin mat leat du lagašbirrasis.

ČÁHCEOLMMÁI 20/1-18/2

Ekonomalaččat válddát ovddasvástádusa ja leat hutkái, muhto sáhtát maid šaddat hui optimisttalažžan dahje árvvoštalat dili boastut. Danin fertet ge digaštallat muhtimiin geasa luohtát ovdal go masa ge geavahat daid ruđaid maid leat seastán. Joavkobarggus dahje idealisttalaš organisašuvnnas leat sihke barggán ja alvvalaš, muhto várut fal, earát maid áigot doarrut iežaset rájáid gáhttemis.

GUOLIT 19/2-20/3

Beaivváš, mii dál lea násti vuolde, deavdá bargofámuin ja movttain. Erenoamážit guoská dat sidjiide geain lea riegádanbeaivi dán vahkus. Ođđa birrajohtu lea álgán, ja guođe dan ovddeža ja geahččagoađe dili ođđa movttain. Láđasmánnu duorastaga rájes boktá liegga dovdduid earáide, ja mii váikkuha maid du mihtuide. Don maid čuovggat positiivan ja liekkusvuođain mii dagaha buori, erenoamážit romantihka oktavuođas.