Suohttasat

Bártnáš lei vuoktačuohppi luhtte go vuoktačuohppi jearai:

– Mo háliidat ahte galggan čuohppat du vuovttaid?

– Justte nu go áhčis, báljisin gasku! vástidii bártnáš.

– Manne don unnavieljaža huškkastit? jearai eadni Máhtes.

– Na danne go son huškkastii mu... Maŋŋil, vástidii Máhtte.

– Mun han lohken ahte it galgga boahtit vissui durdo julggiiguin! logai eadni. – Dat goit leat áibbas ráinnas, eadni, muhto dat skuovat han leat durdos, vástidii Inga.

– Mun gávdnen ruđa eatnan alde, gean son dat lea?

– Mu, logai Thomas.

– Gosa don láhppet dan?

– Na dohko gos don gávdnet dan, vástidii Thomas.

– Eat mii goit sáhte heasta váldit vissui! Jurddaš dan hája! logai eadni.

– Ále bala, gal dat heasta goit hárjána dasa, logai Máret. Leat go gullan áhči birra gii lávii boskehit sohkkariid mánás ala eahkes, vai mánná galggašii njálgát beassat oađđit?

Risten lei leamaš iežas buoremus olbmá luhtte maŋŋil skuvlla go šattai šnjoarriarvi olgun.

– Dál goit lea nu arvi ahte lea buoremus ahte idjadat dáppe, logai su buoremus olbmá eadni.

– Na juo, dat gal heive bures. Ferten dušše ruovttus fitnat viežžame oađđinbiktasiid! vástidii Risten.

– Dál mun gal viimmat sáhtán oastit Playstationa! logai Joavnna.

– Mo dál gal fáhkka sáhtát? jearai Biehtár.

– Mun vuvden iežan TV! vástidii Joavnna.

– Makkár ealli sáhttá njuiket badjelii go šloahtta?

– In mun goit dieđe.

– Galbarihcci!

– Ii galbarihcci goit máhte njuiket? – Ii šloahtta ge!