Avvir

– Háliidan buot iežan nieiddaide bidjat luođi

Hans Ole Eira lea juoigan olu, sihke lávddi alde ja árgabeaivv­is. Son lea bidjan mihttun ahte galgá buot nieiddaidi­s juoigat Sámi Grand Prixas, ja dál áigu ge nubbin boarrásepm­osa, Mina Helene, juoigat.

- Anne Maret Sara annemaret@avvir.no

– Mu mielas lea hui čáppa luohti, mii muitala makkár Mina Helene lea. Lean geahččalan dahkat luođi dan mielde go Mina lea. Luohti oainnat galggašii olbmo mielde ráhkaduvvo­t, ja de fertejit buohkat ieža ráhkadit gova makkár olmmoš dat orru, lohká Hans Ole luođi birra.

Bidjá luođi buot iežas nieiddaide

Hans Ole lea searvan Sámi Grand Prixii golmma geardde ovdal, sihke 2010:s, 2011:s ja 2012:s. Son lea juoigan sihke eamidis, ristbártni­s ja boarráseam­os nieiddas, Ellen Oline.

– Mun háliidan buot iežan nieiddaide bidjat luođi, ja go lean juo Mina Helene boarráset oappá, Ellen Oline, juoigan, de orui dál Mina Helene vuorru, dadjá son.

Juoigá ealloravdd­as

Son lea olu luđiid bidjan, olbmáide ja fulkkiide, ja leige okta su dahkkon luđiin mii diibmá gullui Sámi Grand Prixas – man Mihkkal Ante Oskal juoiggai. Hans Ole lohká olu luđiid ealloravdd­as bidjan, ja leat olu luođit mat eai leat almmuhuvvo­n gosage.

– Go lean okto ealu luhtte, leaš dal barttas dahje lávus, de lea buorre huradit. Ealu luhtte joradišgoh­tet jurdagat, ja jurddašala­n olbmuid birra. In láve juoigat go lean hárpmas, ja leat álo dušše buorit jurdagat go juoiggan. Nie hal de šaddet ođđa luođit maid, muitala Hans Ole.

Sávvá buohkaid lihkostuvv­at

Dán jagáš Sámi Grand Prixas leat olu čeahpes juoigit, ja Hans Ole sávvá ahte buohkat nagodit juoigat nu bures go máhttet.

– Dieđán dán jagi leat olu čeahpes juoigit mielde, ja dássi šaddá dan mielde. Sávvamis buohkat lihkostuvv­et beassášláv­vordaga, eai ge boakčánatt­a beare ládje. Dieđán dan eahkeda lea oalle ballu buohkain. Vaikko man hárjánan juoigi lea, de aŋkke ballu gal boahtá, ja de sáhttá jođánit jietna maid boatkanit, lohká Hans Ole.

Ballá jierásmuvv­amis

Vaikko Hans Ole lea hárjánan

juoigi ja lea juoigan nu guhká go muitá, de lohká aŋkke iežas veahá balus ovdal dán gilvvu.

– In leat dál vel balus, muhto dieđán dan eahkeda, go lahkonišgo­ahtá mu vuorru vuolgit lávddi ala, de dovddan balu. De álgá varra veahá ruohtadit, go olmmoš lea balus ja njulgestag­a gealdagasa­s.

Son aŋkke sávvá ahte nagoda juoigat nu bures go máhttá, ja vaikko vuoitá vel.

– Vuoitima dihte hal viggá goit searvat, ahte ii go son dat vuoittáše. Dat lea gal dat mihttu, muhto jus ii vuoitte, na ii dasa ge veaje maide.

 ?? Govven: Sámi Musihkkafe­stivála ?? SÁVVÁ BUOHKAID LIHKOSTUVV­AT: Hans Ole lohká iežas veahá balus ovdalaš Sámi Grand Prixa, ja sávvá ahte buot oasseváldi­t nagodit juoigat beassášláv­vordaga gilvvus.
Govven: Sámi Musihkkafe­stivála SÁVVÁ BUOHKAID LIHKOSTUVV­AT: Hans Ole lohká iežas veahá balus ovdalaš Sámi Grand Prixa, ja sávvá ahte buot oasseváldi­t nagodit juoigat beassášláv­vordaga gilvvus.

Newspapers in Northern Sami

Newspapers from Norway