Dárkkistit biilaboagángeavaheami bussiin
Stáhta geaidnodoaimmahat leat bidjan dán vahku johtui kampánjja mainna galget oažžut eambbosiid atnit boahkána busses.
Sii čállet preassadieđáhusas ahte vaikke leat eambbogat ja eambbogat geat atnet biilaboahkána busses, de liikká eai leat nu olusat go galggašedje.
Danin sii bidjet ge johtui kampánjja mainna áigot dárkkistit geavaheami ja dakko bokte oažžut olbmuid vel eambbo geavahit biilaboahkána. Čakčat juo dolle sullasaš kampánjja, ja dalle sáhkkohedje 25 olbmo. Sáhkku lea 1500 ruvnno go ii geavat biilaboahkána.
Sii čállet ahte sin ulbmil ii leat gal dat ahte sáhkkohit eanemus lágiin olbmuid, muhto fuomášuhttit man várálaš sáhttá leat dan haga busses čohkkát, na njuolggut sáhttá leat heaggavárálaš.