Sámediggeráđđi deaivvada ON Olmmošvuoigatvuođalávdegottiin čilget Alimusrievtti duomuid
SÁPMI: Sámediggeráđđi Silje Karine Muotka deaivá ON Olmmošvuoigatvuođalávdegotti vákšunorgána ovdal go Norga galgá gulaskuddamii njukčamánu 14.- 15 beivviid siviila ja politihkalaš vuoigatvuođaid konvenšuvnna (SP) čađaheami birra. Sámediggeráđđi lea buktán molssaevttolaš raportta sámi álbmoga dili birra, mii kommentere ja boahtá lassin Norgga 7. stáhtusraportii.
Čilget Alimusrievtti duomuid ON Olmmošvuoigatvuođalávdegoddái
Čoahkkimis lávdegottiin áigu Muotka deattuhit sisabahkkenáššiid Sámi guovlluin, ja váilevaš konsultašuvnnaid oažžun dihte ovdagihtii dieđihuvvon miehtama SP 27. artihkkala mielde. Muotka áigu maid čilget Alimusrievtti duomuid Jovsset Ante Saraja Langesundforbindelsen-áššiin. De diehtá lávdegoddi Sámediggeráđi oainnu birra dáin áššiin, jus bohtet individuála váidagat mearrádusaide. Dasa lassin áigu Muotka čalmmustahttit sámegielaid dili ja hástalusaid čadnon sámegieloahpahussii. Norgga gulaskuddama maŋŋel áigu ON Olmmošvuoigatvuođalávdegoddi addit konkrehta ávžžuhusaid ráđđehusa čuovvoleapmái.