Čalmmustahttá gáktebeaivvi Skuvlla-biehtár Ánne talkshowain
Sámi giella-ja kulturguovddáš čalmmustahttá gáktebeaivi cuoŋománu 10. beaivvi Skuvlla-biehtár Ánne talkshowain. Mii leat Sámis álohii leamaš hui hutkái namaiguin! Gánda- ja nieidanamat biddjojit maŋŋálagaid. Mii oažžut nama sogaid, máttuid, ámmáhiid ja attáldagaid mielde. Tenn-plukki fidnii buddestatnama, danin go son lea nu jođán suhttat, nuppi eará olbmo fas gohčodit Skidoohánsan, mii lea áibbas áddehahtti (goit midjiide sápmelaččaide). Moai háliidetne doalahit heakkas sámi stohkosiid ja -nammaárbevieruid Skuvlla-biehtára Ánne ja Sámi čeabetložžen stohkosiid guovddáš ja Skuvlla-biehtára Ánne ja Bohkostahtti Dáža Sirkus girjjiiguin. Mis sápmelaččain lea olu ieš-ironiija ja mokta, mii dán oktavuođas vuhtto bures. Mii maid liikot dájuhit dážaid ja rivguid, guđet váldet áibbas duođas go muitalat Th(d) eodor-ántte ja Áilo-vera birra, ja navdet ahte Skuvlla-biehtár Ánne lea transvestihtta (juoga maid moai EAN eisege leat dadjan!). Sii jáhkket muitalussii árbevirolaš sámi stohkosiid birra, nu go Synkronalaš Njoarosteamis Ritmmalaš Gymnastihkas. Sihke sámit, kvenat ja dážat buot agiin liikojit Skuvlla-biehtár Ánne girjjiide. Skuvlla-biehtár Ánne lea satiira máinnashámis. Dat lea allegoriija (namalassii viiddiduvvon metafora). Skuvlla-biehtár Ánne lea maiddái performance, mii sisttisdoallá talkshowa, fábeliid, Skuvlla-biehtár Ánne luođi, teavstta ja máidnasiid.