Vuoitán ođđa vásáhusaid Nuorta-sibirjás
Sámi joatkkaskuvlla ja boazodoalloskuvlla oahppit leat searvan Arctic Skills gilvui mat leat Sakha Yakutias, Ruoššas. Vuoitu gal ii boahtán, muhto leat dego vuoitán ođđa vásáhusaid mátkkis.
Sárá Gáren Ánne Nilut, Sara Berit Ellen Bongo, Ingá Márjá Lango, Máret Eline Haetta, Anna Valle Høivaag, Nils Olaf Eira Haetta ja Nils Anders Appfjell leat oahppit geat leat mátkkošteame Ruoššas dál.
Earenoamáš vásáhusaid
Arctic Skills gilvvut leat Iengras, Neryungris, mii lea Sakha Yakutia republihkka. Dohko leat Sámi joatkkaskuvlla ja boazodoalloskuvlla oahppit mannan sihke gilvaleami ja oahppama dihte. Vaikko eai vuoitán gilvvuid, de leat oahppit oahppan ja vásihan ollu. Ollu oasit gilvvuin ledje apmasat, nu go leŋget hearggi vugiid mielde movt Nuorta-sibirjás dahket.
– Váldoulbmil dán dáhpáhusas ii leat ieš gilvu, muhto oahpásnuvvat eará boazoálbmogiid nuoraiguin, oahppat sis, ieža oahpahit ja čatnat oktavuođaid. Dáhpáhus boktá olu beroštumi, muitala oahpaheaddji Oddbjørg Haetta Sara, gii lea mielde mátkkis. Nubbi oahpaheaddji lea Samuel Gaup.
Gaskavahkku lei maid seminára
Ollu vel prográmmas
Sis lea čađat prográmma maid čuvvot juohke beaivvi go leat mátkkis. Báikkis gos sii leat, ii leat nu buorre neahtta ahte sáhttet nu álkit juogadit govaid, muitala Oddbjørg Haetta Sara.
– Duorastaga galgat finadit muhtun álgoálbmotskuvllas dáppe. Bearjadaga vuolgit Jakutskii. Doppe galgat čoahkkinastit
Lávvordaga fitnet Lena Pillars guovllus, mii lea UNESCO máilmmiárbelisttus, ja sotnabeaivvi lea friddja ovdal go dollejit fas ruovttuguvlui mánnodaga.