Almmuhit čorgenneahttasiiddu
Dássážii lea leamaš muorječoagginneahttasiidu, gosa sáhttá deavdit olu murjjiid ain lea čoaggán. Dál lea maid ráhkaduvvon lassi oassi gosa ruskkaid sáhttá registreret, go ain lea čoaggán.
Našunála čáhcegádde-čorgenbeaivvi almmuhit davimus fylkkaid olggostallanráđit ođđa neahttabáikki, gosa olbmot sáhttet registreret ruskačoaggima. Mihttun lea oažžut eambbosiid čorget čáhcegáttiin.
Somán dahkat čorgema
Jurdda dán neahttasiiddu duohken lea go lea šaddan hui bivnnuhin registreret jus várrečohkain lea leamaš. Finnmárkku ja Davvi-romssa olggostallanráđit háliidit ahte olbmot maid galget registreret jus leat ruskkaid čoaggán, ja dainna lágiin movttiidahttit čorget.
Olggostallanráđit leat juo ráhkadan neahttasiiddu gos sáhttá registreret muorječoaggima, olu murjjiid lea čoaggán, goas ja jus háliida, gos.
Olggostallanráđit háliidivčče ahte galgá šaddat bivnnuhin registreret vázzinmátkkiid sáttogáttiin, gos seammás lea čorgen.
Movttiidahtti
Ii leat goasse leamaš nu olu fokus čorgemii go dál lea.
– Mii diehtit ahte olusiid mielas lea movttiidahtti registreret iežaset mátkkiid sierra neahttasiidui. Danne leat maid tuvraboksat šaddan nu bivnnuhin miehtá Davvi-norgga. Sávvat ahte čorgen maid šaddá bivnnut, cealká Hugo Tingvoll, Finnmárkku ja Davvi-romssa olggostallanráđiid beaivválaš jođiheaddji preassadieđáhusas.
– Siseatnamis maid
«Ut og Plukk» lea neahttasiiddu namma, ja doppe sáhttá oaidnit loguid suohkaniid mielde. Sáhttá maid iežas čoaggima dahje čorgema buohtastahttit earáiguin, nu go ránnjáiguin, bargoskihpáriiguin dahje bearrašiin. – Mii soaitit nammadit čeahpimus suohkana go áigodat nohká, lohká Tingvoll. Seammás vuorbádit maid vurbbiid, nu go t-báiddiid.
– Čorgen dáhpáhuvvá eanaš fiervvás. Muhto eat galgga vajálduhttit ahte DavviNorggas lea maid olu ruska jávre- ja johkagáttiin. Danne sávvat ahte maiddái Sis-romssas ja Finnmárkkuduoddaris áŋgiruššet, lohká Hugo Tingvoll.