Finnmárkku ja Romssa fylkkaid ovttastahttin
Dá leat váldočuoggát ovttastahttinšiehtadusas man Finnmárkku ja Romssa fylkkat sohpe guovvamánu dán jagi, nu gohčoduvvon «Gardermoenšiehtadus».
Guovvamánu 15. beaivvi sohpe Finnmárku ja Romsa ođđa fylkkagieldda šiehtadusa váldočuoggáid, man leat gohčodan «Gardermoenšiehtadussan».
•Ođđa fylkkagieldda namma galgá leat Romssa ja Finnmárkku fylkkagieldda, fylkadikkis galget leat 57 áirasa.
•Politihkalaš hálddahus galgá leat Romssas, nu galgá maid bajimus hálddahusjođiheaddji virgi. •Čáhcesullos, Finnmárkkus, galgá fas leat veahkkeráđđealbmá virgi, muđui lea oktasašlávdegoddi ožžon válddi viidásat organiseret hálddahus bargoveaga.
•Ođđa fylkkagieldda galgá doaibmagoahtit ođđajagemánu 1. beaivve rájes jagi 2020.
Oktiičaskima oktavuođas galgá nammaduvvot oktasašlávdegoddi, mas 17 áirasat leat Finnmárkkus ja 19 áirasat Romssas. Lávdegotti bargu lea hábmet ja ásahit ođđa fylkkagieldda vuogádaga, seammás go galgá mearridit politihkalaš ja hálddahus organiserema ja mearridit gos guđe ge ossodat galgá leat. Lávdegoddi áirasat eai leat vel nammaduvvon, ii ge sin barggu leat álggahuvvon.
Šiehtadusas boahtá ovdan ahte Čáhcesullos galget dát ossodagat: 1. Johtolat
•Kollektiiva (dálá Finnmárkku fylkkarájá siskkobealde) •Geaidnu (dálá Finnmárkku fylkkarájá siskkobealde) •Girdiruvttuid oastin •Guolástushápmanat 2.Internationála, Davviguovllu ovdánahttin
3. Dálkkádat, diras, álbmotdearvvašvuohta
Romssas fas dát ossodagat: 4. Johtolat
•Kollektiiva (dálá Romssa fylkarájá siskkobealde)
•Geaidnu f (dálá Romssa fylkarájá siskkobealde)
5. Ealáhus
6. Oahpahus
7. Kultuvra
Juohke ossodagas galgá leat nubbijođiheaddji dan báikkis gos ii leat ossodatjođiheaddji. Ovdamearkka dihte jus Romssas lea oahpa- husjođiheaddji, de galgá nubbijođiheaddji bargosadji leat Čáhcesullos. Njukčamánnu 15. beaivvi de hilgui Finnmárkku fylkkadiggeeanetlohku nu gohčoduvvon «Gardermoensoahpamuša», ja mearridii čađahit álbmotjienasteami mas gažaldat lea «juo» vai «ii» oktiičaskit Romssa fylkkain. Álbmotjienasteapmi čađahuvvo miessemánu 7. beaivvis 14. beaivái, sihke dábálaš vuogi mielde ja elektrovnnalaš jienasteami bokte. Álbmotjienasteapmi čuovvu dábálaš jienastanrievtti njuolggadusaid, mii mearkkaša ahte buohkat, geat leat badjel 18 jagi boarrásat, ožžot jienastit.