HOROSKOHPA - boahtte vahkku
FIERCA 21/3-19/4
Don livžžut juohke guovllus, erenoamážit lagaš birrasis, dál fertet bidjagoahtit rájáid. Muhto ruovttus fas dieđusge vuoiŋŋastat ja gávnnat ráfi, ja doppe sáhtát maid hállat dan birra mii leamaš váivin. Ruoktu lea maid dat sadji gos vásihat sihke romantihka ja erotihka, sihke suinna geainna leat ovttas ja dahje jus ruoktot bovdet muhtin erenoamáš olbmo.
VUOKSÁ 20/4-21/5
Áššit doibmet johtilit, erenoamážit ustitvuohta ja gaskavuohta buktá ođđa vuordekeahtes fuomášumiid. Lihkkoplanehta lea dál doaimmas, ja dus lea sihke liigenávccat ja čájehat beroštumi earáide ja dasa liikojit olbmot ja háliidit duinna ovttastallat. Riggodat lea maid dehálaš justa dál, ja sáhttá ahte investeret juoga masa gáttát dárbun šaddat boahtteáiggis. Jus lea juoga man háliidat čoavdit, de lea dál áigi váldit suinna oktavuođa.
JUMEŽAT 21/5-21/6
Dál lea dus dáhttu ja čuoččuhat iežat oaiviliid, muhto de sáhtát menddo sakka iežat birra dušše smiehttat ja vajálduhtát ahte earáin lea maid juoga dadjamuš. Olbmot fertejit njálggistit duinna dál go leat menddo iešbuorre. Dat maid dagaha ahte fertet njálggistit earáiguin. Muhtin smávit ruhtavuoitu sáhttá geavahuvvot dahje golahuvvot boastut.
REABBÁ 22/6-22/7
Don leat šiega ja vuollegaš, dan seammás leat maid hutkái, ja válddát oktavuođa, mii dahká ahte šattat guovddážis ustitbirrasis. Máŋga ákka dahket ahte leat várrugas lagaš birrasis ja gáibidat oadjebasvuođadovdduid ovdal go luoittát olbmuid menddo lahka. Jus luoitilat olggiid, de sáhttet šaddat somás deaivvadeamit earáiguin.
LEDJON 23/7-22/8
Dál it leat nu rabas vuosttaldemiide go muđui, muhto ale hoigat earáid eret ovdal go leat guldalan sin. Don maid johtilit earduduvvot, muhto smiehtas ovdal go dajat makkárge unohis sáni mas sáhttet šaddat váikkuhusat. Dál bijat plánaid mo hukset ja sihkkarastit ovdáneami. Fáhkkestaga sáhttet fuomášumit ihtit duššis, muhto geahča vuos dan kritihkalaččat ovdal go dohkkehat.
BUHTISNIEIDA 23/8-22/9
Dakkár dillái sáhtát geavvat mas fertet jođihit dahje mearridit. Don čađahat áššiid hálešteami bokte ja fidnet olbmuid ovttastallamii, muhto bargoustibat maid sáhttet du eardudit, dahje muhtimat geaiguin galggat ovttasbargat. Garvve vuoigaduvvon cuoiguma jus dat ii leat áibbas dárbbašlaš. Dál lea vuogas áigi lášmmohallagoahtit.
VIEHKAT 23/9-22/10
Dál leat geasuheaddji, ja barggus dahje skuvllas oaččut ovdamuniid, eai ge earát dovdda dainna leat badjelgehččojuvvon dahje hárdašuvvamin. Don deaivvadat olbmuiguin geaiguin leat eará oaivilat go dus, ja oahpat das ollu, maid dál fertet smiehttagoahtit. Go iežat árvvuid guorahallagoađát, de fuomášat ahte don leat ahtanuššan olmmožin ja beassan eret máŋgga duššis.
SKORPIUVDNA 23/10-21/11
Dus leat dál dat liigenávccat ja dat buorredáhtolašvuohta maid dárbbašat, hilgut boares dábiid ja geahččat ođđa vejolašvuođaid. Dát guoská erenoamážit lagaš birrasii, gos ođđa oahpásnuvvamat fáhkkestaga sáhttet ihtit ja čalmmustahttojuvvot. Lagaš oktavuođas fertet várra almmuhit juoga maid leat čavgadit doalahan, go dus ii leat dasa vuoigatvuohta dahje earát dárbbašit dan buorebut. Guhkit áigge vuollái vuoittát dainna.
BÁHČČI 22/11-21/12
Ruhtadilis sáhtát boastut rehkenuššat ja das massit ruđaid, dahje leat nu várrugas ahte it duostta vuoruhit dan maid galggašit. Don leat maid nu ceaggái ahte hárddát earáid iežat ala, geaiguin galggašit ovttasbargat, danin fertet loaččadeappot digaštallat. Somás olbmot bohtet du eallimii, muhto don válddát menddo johtilis oaivádusaid sin ektui itge dovdagoađe sin albmaláhkái.
BÁKTEBOHKKÁ 22/12-19/1
Ruhtadilis lea dál bággu čájehit beroštumi dahje deaividat hástalusaid. Deaivvat earáid sin gohču mielde, ja dál lea vuogas áigi gávdnat ođđa oktavuođaid ja háleštit riidduid birra mat leat leamaš. Muhto don válddát áššiid eanet duođalažžan go lea dárbu ja daid geahčat negatiivan. Luoitil olggiidat ja moddjes. Dál lea vuogas áigi njulget dilálašvuođa.
ČÁHCEOLMMÁI 20/1-18/2
Sihke mihtut ja karrieara leat dál čielgaseappot, ja sáhtát dan dihtii loahpahit muhtin ášši mii ii leat šat doallevaš. Don sáhtát dál mearridit ja álggahit juoga mahkaluššama haga, ja čađahit dan, vaikke vuohtát vuostehágu ja vuosttaldeami. Don leat hutkái ja oainnát vejolašvuođaid dakko gokko ovdal it leat oaidnán. Dan seammás leat geasuheaddji ja álkibut oaččut áššiid čađahuvvot.
GUOLIT 19/2-20/3
Ruovttus leat ollu doaimmat ollu fuomášumiid geažil. Jus don ja bearaš smiehttabehtet ovtta guvlui, de lea dalle vuogas ovddidit juoga boares ášši ja geargat dainna. Danin lea dehálaš ortnega doallat ja vuordámušain leat ovttas. Šaddi doaimmat dahje romantihkalaš vásáhusat maid iežat birrasis gulat, loktejit dus iešdovddu.