Luossabivdu vuot álgán
Čuđiid mielde, sihke báikkálaš ja galledeaddji luossabivdit fitnet unnimusat oktii Finnmárkku luossajogain bivdimin geasset. Gaskaija geassemánu 1. beaivvi álggii dan jagi áigodat, ja maŋŋil olu buriid jagiid, leat maiddái áigodahkii 2018 stuorra vuordámušat. Steinar Normann Christensenis lea leamaš ovddasvástádus luossajogaide nu guhká go Fefo lea doaibman, muhto ii jáhke dán jagi vel šaddat ođđa bivdoolahusa.
Jus galgá hui álkit čilget, de leat dán jagi stuorraluosat nubbin eanemusat, dan sivas go diibmá godde luosjulggiid nubbin eanemusat, lohká Finnmárkkuopmodaga meahccehálddašeaddji Steinar Normann Christensen preassadieđáhusas.
Olahusat maiddái dán jagi
- Mis leat vuordámušat buorre luossajahkái dál 2018:s. Eat rehkenaste gal šaddat olahusaid dán jagi, dadjá son.
Fefo eaiggáduššá fylkkaássiid bealis 50 luossajoga Finnmárkkus. Eanaš jogat leat lihttoláigohuvvon eaktodáhtolaš ovttastusaide ja servviide. Diimmá jahki šattai dat buoremus mii goassege lea leamaš olu Fefo-jogain, ja ledje obbalaš sálašdeaddo- ja lohkoolahusat.
Steinar Normann Christensenis lea leamaš ovddasvástádus luossajogaide nu guhká go Fefo lea doaibman, ja sus leat dan jagi earenoamáš vuordámušat dihto jogaide.
Jus galgat geahččat statistihka, de leat várra jogat Várnjárgga lulábealde maidda mus lea earenoamáš vuordámušat. Muhto seammás soitet jogat main lea leamaš negatiivvalaš treanda eambbo gelddo- laččat, ja joatkašuvvá go dat, lohká son. Okta dain jogain lea Bissojohka, mas noterejuvvui dušše 1.340 kilo 2017:s. Lea sullii bealli maŋemus logi jagi gaskamearálaš sállašiin. Gaskamearálaččat leat goddán 1.020 luosa jogas, diibmá godde dušše 377. Riehpovuonjogas lei ovdamearkka dihtii okta daid buoremus jagiin, ja Leavnnjajogas lei fas juohke nubbi luossa maid godde, stuorraluossa. Ánnejogas, šattai sihke deaddo- ja lohkoolahus. Goddojuvvui 15.037 kilo dan jagi.