– Ja mun gii lean poastavuoddji vel
1. Man máŋgga geardde lea áigejorggáldat jagis?
– Guovtte geardde. RIEKTA √
2. Mii lea festivála namma mii lágiduvvo juohke geasi Leavnnjas?
– Midnattsrocken. RIEKTA √
3. Gii lea USA presideanta?
– Donald Trump. RIEKTA √
Ramona birgii bures álgovuorus ja vástidii riekta visot golbma gažaldagaid. Son manná viidásat boahtte vuorrui, liigegažaldagaide.
Gos gávdno suohtastallanpárka Liseberg?
– Ruoŧas dat lea, Gøteborgas. RIEKTA √
Lea go musihkkajoavku Captain Morgan almmuhan skearru?
– A-a. RIEKTA √
Mat leat Suoma almmolaš gielat?
– Suomagiella goit lea, ja … Ruoŧagiella. RIEKTA √
Gean birra lea dokumentárafilbma man namma lea «Stempelridderen»?
– Vuoi, in leat gullan ge. In dieđe. BOASTUT √ Rievttes vástádus: Ailo Gaup, dovddus FMX-vuoddji.
Ramona oaččui 3 čuoggá go nagodii golbma liigegažaldaga. Dasa lassin oažžu vel árvádusa geahččalit vástidit. Árvádusas sáhttá čoaggit 5, 10 dahje 15 čuoggá. Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon. Árvádusas lea minuhtta jurddašanáigi.
– Alit árvádusa mun válddán, justa gasku, he-he. Árvádus lea:
Mun bisun jaskadit ovtta čiegas, liikká sáhtán mátkkoštit birra máilmmi. Mii lean mun?
– Eh, diibmu? Ii, dát gal lei váttis. Heavdni? Ha-ha, pass. BOASTUT √ Rievttes vástádus: Poastamearka.
– Ja mun gii lean poastavuoddji vel! boagusta Ramona. Galle čuoggá oktiibuot: 6
Juohke gilvaleaddji beassá hástalit ođđa gilvaleaddji Ávvira geassegilvui.
– Háliidan hástalit Elsa-marja Kappfjell ja Mikke Kappfjella, sávan soai váldiiba hástalusa!
Namma: Issát Ántá Mihkkal Kvitfjell
Ahki: 19
Galle čuoggá: 20