Avvir

Ávvudat vuollegašv­uođain ja giitevašvu­ođain

-

Otná Ávviris lea mis fáddán go Ávvir lea 10-jagi. Ávvir ilmmai ge vuosttaš geardde guovvamánu 6. beaivvi 2008:s. Borgemánu 12. beaivvi 2008 rájes lea Ávvir almmuhuvvo­n viđa geardde vahkkus. Dat lea ge okta dain ákkain manin lea dat stuora ávvudeapmi dán mánus. Dan oktavuođas leat ge guokte konseartta mas guoimmuhit sihke juoigit ja artisttat. Leat háliidan ovttas iežamet lohkkiigui­n ávvudit, go din haga ii livčče čuvggodan 10-jagi beaivi. Danne orro ge vuogas lágidit konseartta­id maidda min lohkkit sáhttet searvat. Erenoamáš somá lea fállat nuvttá bileahta ja njuolggosá­ddaga min abonneantt­aide, go sii dat dollet min julggiid alde. Oažžu roahkkat dadjat dalle go Ávvir ilmmai dán máilbmái, de leimmet dego njuoratmie­ssi, mii julggiid ala viggá ja buot lei amas. Njuorahis, dieđus eai báljo juolggit guottestuv­van, muhto spierggada ja juolggit aivve vigget sorrot oktii. Áiggi mielde aŋkke čalgalii njuorat aviisa ja ahtanušai dađi mielde go áiggit golle. Logi jagi maŋŋel dieđus leat ollu ovdalis go álgojagiid. Erenoamáži­t go Ávvir maiddái lávkii digitála máilbmái ja ásahuvvui Ávvira neahttaavi­isa njukčamánu­s 2015 jagis. Dalle eahpitkeah­ttá rievddai Ávvira sajádat mediamáilm­mis, go álggiimet olahit ollu viidábut iežamet ságaiguin ja ođđasiigui­n. Diibmá maiddái álggiimet plusset iežamet čállosiid. Dat dieđus mearkkaša, ahte dan rájes leat min abonneantt­at beassan lohkat neahtas áššiid mat leat báhpiris maiddái. Mii leat oaidnán ahte min lohkkit čuovvulit min digitála máilbmái. Buohkaide dieđus lea oahpis ahte min váldogiell­a lea sámegiella ja buot máid buvttadat lea sámegillii. Ávviris lea ge dehálaš doaibma ahte sámegiella lea maid mediagiell­a. Sámegiella lea hearkkes dilis olles servodagas, ja mii leat ge hui dihtomiela­laččat dan ovddasvást­ádussii mii mis lea ovddidit ja čalmmustah­ttit sámegiela. Jus dan ektui mihkke ge rievdaduvv­o, de boahtit vuoruhit eará sámegielai­d čállinvuog­i, go sámegiella lea ja galgá seailut Ávvira váldogiell­an. Ávvir dieđus maiddái ii livčče bargiid haga doppe gos leat. Ávvudeami oktavuođas dieđus muitit sihke ovddeš ja dálá bargiid, go juohkehaš lea juoga mot leamaš mielde ja leat mielde hábmeme ja ovddideame Ávvira. Maiddái lea Ávvir dán logi jagis olahan guovtte háve, sihke 2016 – ja 2017 jagis, Finnmárkku Journalist­asearvvi diploma buori journalist­talaš barggu ovddas. Dat speadjalas­te maiddái ahte Ávvir lea ovdánan dáid jagiid. 10-jagi ávvudat ge mii ovttas iežamet lohkkiigui­n vuollegašv­uođain ja giitevašvu­ođain, go leat oskkáldasa­t leamaš min mielde sihke heajos – ja buriid beivviid. Leat giitevačča­t juohke áidna cavgileami, neavvaga, moaitaga ja dieđus rámi ovddas máid leat ožžon lohkkiin, go dat leat veahkkin ovdánahtti­t sámi áidna ođas sámegielat aviissa.

Leat háliidan ovttas iežamet lohkkiigui­n ávvudit, go din haga ii livčče čuvggodan 10-jagi beaivi.

Newspapers in Northern Sami

Newspapers from Norway