Avvir

Reaškkas ja hávskkes dovdu go oidne «Mu vuosttaš luomu»

- Astrid Helander astrid.helander@avvir.no

Sámi nissonat Sara Ellen Anne Buljo Eira ja su skihpár Marie Louise Haetta Lantto muitala soai leaigga bovden iežaset olbmuid geahččat Tvprográmm­a «Mu vuosttaš luomu» mas soai oassálasti­ba.

Máze nisu, duojár Sara Ellen Anne Buljo Eira (36), ja su skihpár Marie Louise Haetta Lantto (38), gii ássá Álttás, leaigga bovden iežaska fulkkiid ja ustibiid geahččat TV2 prográmmii «Min første ferie» (Mu vuosttaš luomu) mannan sotnabeaiv­vi.

– Lei reaškkas ja buorre dovdu. Feasta dáppe lei hui somá. Mu oabbá lei boahtán, eadni ja áhčči ja mu olbmát dáppe Mázes. Mis lei hui reaškkas ja hui ealas, muitala Sara Ellen Anne Buljo mo su guossit láhttejedj­e go prográmma sáddejuvvu­i.

– Lei hui somá oaidnit prográmma. In gáđa in sekundda ge go serven. Lean duhtavaš movt leat čuohppan visot oktii ja mo leat ovdanbuktá­n munno, lohká Marie Louise Haetta, geas lei feasta Álttás.

Juohkebeai­vvi juoidá ođas

Nissonguov­ttos eaba diehtán gosa mátki manai ovdal go joavddaiga girdingied­dái ja juohke beaivi lei juoidá ođas.

– Lei hui somá. Prográmmas lei eambbo go ledjen jáhkkán ahte ledje váldán mielde dan mátkái. Dat gal čájeha juste nu mo moai letne, ean dárbbašan neaktit, muitala Sara Ellen Anne Buljo Eira.

Tiŋgojumit boahtán duojárii

Sara Ellen Anne Buljo Eira ja Marie Louise Haetta Lantto muitaleaba ahte sudno mátki lei dalá maŋŋá beassážiid go davvin lei ain dálvi, muhto Itálias lei juo geassi sudno mielas. Muitaleaba juohke beaivvi ledje ođđa hirpmástuh­tti dáhpáhusat.

– Bella, bella (čáppat, čáppat italiagill­ii), logai muhtin vuorasáhkk­u ja doaškkui gieđaid go oinnii munno sámebiktas­iiguin, muitala Sara Ellen Anne Buljo Eira.

Duojár muitala ahte maŋŋá prográmma šávihedje olu bivttastiŋ­gojumit sutnje.

Šlántte bálkesteai­gga Trevi Fontanai

Soai beasaiga maid fitnat beakkán Trevi Fontana. Olbmuid gáttuid mielde beassá fas Romás fitnat jus bálkesta šlántte dan čáhcegárrá­i.

– Dál besse fas fitnat Romás, čaimmiheai­gga go bálkesteai­gga šlántte.

Soai niegadeba dál vuolgit Itáliai moatti vahkkui. Muhto soai loaktiba buoremusat davvin.

Dolkan pastai

Sara Ellen Anne Buljo Eira lohká soai borramuša dáfus birgiiga bures. Marie Louise Haetta Lantto muitala soai boraiga juohke beaivvi, dan guđa beaivvis, pasta iešguđet hámis.

– Lei njálgga biebmu. Iđitbiebmu­n ledje dábálaš gáhkut ja sohkardiŋg­gat, spiinnebuo­idde ja garraláibi. Gaskabeaiv­i lei Itália biebmu, muitala Sara Ellen Anne Buljo Eira.

– Lean dolkan pastai. Ii lean várra nu buorre čoavjái, lohká Marie Louise Haetta Lantto.

Hástalus gávdnat olbmuid

Freemantle media buvttadii dán prográmma TV2. Buvttadead­dji Elisabeth Oftebro muitala leamaš hástalussa­n gávdnat guokte olbmo geat eaba leat fitnan olgoriikka­s girdiin.

– Ledje guokte fiinna nissona ja ovdasteaig­ga Sámi bures. Lei nu somá vásihit man čeavlát soai leaba go leaba sápmelačča­t. Lei hui somá ja eksotahlaš. Geat earát váldet goikebierg­gu Romái? Midjiide lea leamaš maid somá, lohká Elisabeth Oftebro.

Iige su mielas leat imaš, jus olbmot leat tiŋgogoaht­án biktasiid Sara Ellen Anne Buljo Eiras, go son lea čeahpes designer.

 ??  ??
 ?? Govva: Kari Lisbeth Hermansen ?? RUOVTTUS: Sara Ellen Anne Buljo Eira (girjjat čuvla) ja isit sofás, oktan bearrašiin, fulkkiigui­n ja skihpáriig­uin Mázii geahččat Tv-prográmma «Min første ferie» mas čájehedje sudno Marie Louise Haetta Lanttoin vuosttaš olgoriikka mátkki girdiin.
Govva: Kari Lisbeth Hermansen RUOVTTUS: Sara Ellen Anne Buljo Eira (girjjat čuvla) ja isit sofás, oktan bearrašiin, fulkkiigui­n ja skihpáriig­uin Mázii geahččat Tv-prográmma «Min første ferie» mas čájehedje sudno Marie Louise Haetta Lanttoin vuosttaš olgoriikka mátkki girdiin.

Newspapers in Northern Sami

Newspapers from Norway