Bargguhisvuohta seamma dásis go diibmá
FINNMÁRKU: NAV dieđihii mannan bearjadaga ahte Finnmárkkus bissot bargguhisvuođa logut seamma dásis go diibmá. Borgemánu loahpas ledje 2,9 proseantta álbmogis barggu haga. Bargguhisvuohta lea lassánan guđain olbmuin diimmá ektui. Oktiibuot ledje 1177 olbmo fylkkas dieđihan iežaset bargoohccin. Muđui Norggas lea barggohisvuohta 2,5 proseantta.
Finnmárkkus lea olbmuid lohku, geat leat gaskaboddosaččat barggu haga borgemánus. váikkuha fylkka bargguhisvuođa prosentii. 154 olbmo leat registrerejuvvon gaskaboddosaččat barggu haga, mii lea 55 olbmo eambbo go diibmá dahje 56 proseantta. Finnmárkku NAV veahkkedirektevra, EvaLill Johansen Margit, lohká loguid čájehit ahte ábuha veahkehit olbmuid, geat leat guhkit áiggi barggu haga, oažžut barggu.