Duottarláhka sáddejuvvon gulaskuddamii
NORGA: Eanadoallo- ja biebmodepartemeanta sáddii mannan gaskavahku NAČ (Norgga Almmolaš Čielggademiid) 2018:11 Ođđa duottarlága gulaskuddamii. Stáhtaalmennetlávdegotti guorahallan geigejuvvui departementii geassemánu 2018. Gulaskuddanáigi lea 28.02.2019. Stáhtaalmmennetlávdegoddi, mii nammaduvvui 2016:s, lea evttohan ođđa duottarlága mii galggašii boahtit dan guovtti lága sadjái mii dál regulere stáhtaalmennegiid geavaheami ja hálddašeami. Ulbmil láhkaevttohusain lea ovddidit riggodagaid ceavzilis hálddašeami. Lávdegoddi evttoha oktasaš duottarstivrra dan sadjái go guokte mii dál lea. Lávdegoddi lea juohkásan guovtti sadjái mii guoská makkár bargu duottarstivrras galgá leat ja geat galget beassat stivrii.