Sámi girkoráđđi bovde ávvudoaluide
Lea 25 jagi dassái go Sámi girkoráđi vuosttaš čoahkkin dollojuvvui 1993:s. Dan oktavuođas bovdejit sii ávvudoaluide.
Ávvudoalut leat čakčamánu 6. beaivvi eahkedis diibmu 17:00. Dalle dollojuvvo ipmilbálvalus Grønnåsen girkus Romssas. Maiddái lea girkogáffe maŋŋel ipmilbálvalusa, ja sihke ipmilbálvalus ja girkogáffe lea rabas buohkaide geat háliidit searvat.