Ollu eatnamat guorosin Finnmárkkus
Finnmárkkus lea 147 000 dekára šaddoeana masa sáhttá gilvit. 92 000 dekára lea gilvojuvvon eana, ja 55 000 dekára ovddeš gilvoeana ii šat geavahuvvo. Dat lea seamma ollu go 9000 spábbačiekčanšilju oktiibuot, ja das livčče vejolašvuođat.
Nie čállá Finnmárkku fylkkamánni ja lágida konferánssa sidjiide geat beroštit eanandoalus, eatnamiid suddjejumis ja eanandoalu ealáhusovdáneamis. – Boahtteáiggis sáhttá ávkkástallat buot gilvvaeatnamiid. Lea dehálaš váldit vára ja gilvit biebmoeatnamiid mat mis leat, lohká 2018 Finnmárkku biebmoeana prošeavtta jođiheaddji Eli Cora Myrseth preassadieđáhusas. Konferánssas beassá gullat eanagilvimiid birra, movt gussá sáhttá gádjut dálkkádatheađis, manne Vestfold lea ožžon eanasuddjenbálkkašumi, ja ollu eará. Konferánsa lágiduvvo čakčamánu 19. beaivvi ja 20. beaivvi Kárášjogas.