HOROSKOHPA - boahtte vahkku
FIERCA 21/3-19/4
Dál lea vuogas áigi ekonomiija ovttasbargguin dahje juogadit riggodaga, go dainna sáhtát loktet vuoittu. Vuoittu sáhtát oažžut almmolašvuođas dahje árbbi bokte. Jus leat juoga áigumin čađahit, de lea dál ustitbirrasis stuorra ávki, muhto ale fal geahča dan menddo diehttelassan. Jus leat menddo vuovdnái dahje gáibideaddji, de dat de dalle doaibmá nuppe láhkai.
VUOKSÁ 20/4-21/5
Don vásihat vuostehágu muhtin plánii mii dus lea, ja danin eahpidišgoađát go plána šaddagoahtá duohtan. Go leat vuos mearridan, de fertet dan eahpádusa guođđit. Dál deaivvadat olbmuiguin geaidda dovddat ovttatmano gullevašvuođa. Leat gealdagasas ja romantihkka maid libarda, vuorddekeahtes ja gelddolaš heammástus deaivida muhtin deaivvadeamis. Ođđa oktavuođat bohtet fáhkkestaga, ja ovddeš fas šaddet dego ođđa.
JUMEŽAT 21/5-21/6
Dál beasat čohkket návccaid ruovttus ja dássedat dan maid leat álggahan. Barggus lehpet eanet ovttas ja muhtin bargoskihpárii ovdána vel gaskavuohta. Bietnabargu manná álkit dál, doama dainna geargat. Juoga mii du mielas orru leat riekta sáhttá botket daid dohkkehuvvon oaiviliid mat leat kránnjáin dahje bearrašis. Jus riidduid áiggut garvit dahje oainnu molsut, de fertet leat vuollegaš.
REABBÁ 22/6-22/7
Don leat hutkái ja duhkoraddalas, muhto eahpidat ja leat várrugas go deaivvadat earáiguin. Jus luoitilat olggiidat it ge beroš nu ollu, de soaittát vásihit romantihka. Johtilit ruđaid dinestit sáhttá gártat máksit eanet go dárbu. Don it vuollán nu johtilit, muhto lea ávki smiehttat ovttasbarggu ja maid sáhtášit olahit guhkit áigge vuollái ovdal go čuoččuhit gáibádusaidat.
LEDJON 23/7-22/8
Dán áigodagas leat ruovttus dahje bearrašis sihke suohtastallamat ja mokta. Ođđa vejolašvuođat ihtet, sáhttá maid bearašlassáneapmi oidnomis. Muhtin ášši mii lei oalát bisánan, čoavdašuvvá fas. Ekonomiijas ihtet ođđa vejolašvuođat eanet ruđaid dinet. Sáhttá leat maid dušše govahallan, fertet guktii guorahallat duohta dieđuid ovdal go geavahat dasa iežat seastinruđaid.
BUHTISNIEIDA 23/8-22/9
Dál go beaivváš lea fas ruovttoluotta násttis, de dat addá návccaid ja gillilvuođa čalmmustahttit iežat ja ohcat ođđa hástalusaid. Ollu lihkadanfámut leat doaimmas, ja das lea váruhus badjelmearálaččat láhttet ja dárbbašmeahttun liibbaid váldit, mat sáhttet buktit fysalaš roasmmohuvvamiid. Soaitá don fertet fas álggahit dan mainna gáddet leat geargan ja bidjan eret ja vajálduhttán. Dás sáhtát vásihit čuovggas-vásáhusa dahje oaidnit dan ođđa čalmmiiguin.
VIEHKAT 23/9-22/10
Dus lea dál lihkku ruđalaččat ja vásihat bohtosiid das masa leat guhkit áigge viššalit bidjan barggu. Muhto várut fal ahte it menddo sakka badján dainna. Dál sáhtát leat vehá jaskat ja liikot buoremusat leat čihkosis, muhto dán vahkkoloahpa de vásihat ođđa movtta. Dakko gokko eahpidit it ge lean sihkar, das dagat dál mearrádusa ja čađahat maiddái dan maid mearridat.
SKORPIUVDNA 23/10-21/11
Dál lea šárbma badjin, ja čalmmit čuvget, áššit leat miehtebiekkas. Don čuovggat liekkusvuođain ja olbmuin lea álki duinna oažžut oktavuođa, ja áššiid maiddái oainnát stuorrát it ge heaŋgas buot duššiide. Ustitbirrasis dahje muhtin organisašuvnnas válddát ovddasvástádusa, muhto fertet vuos diehtit mii dasa guoská, vai it dovdda dájuhuvvon maŋŋá.
BÁHČČI 22/11-21/12
Barggus dahje skuvllas čuovggat luohttevašvuođain ja rávisvuođain, dat addá ođđa vejolašvuođaid. Don čuoččuhat juoga masa du lagašbiras ii liiko, ja dan doalahat ja oaivvildat leat riektan. Lea vejolaš dat guoská muhtin mátkái man leat plánen, mii botke daid ovddeš rájáid dus, ja fertet doarrut earáid jierbmáivuođa vuostá, vai sáhtát dan čađahit.
BÁKTEBOHKKÁ 22/12-19/1
Garra dovddut čuožžilit go olbmot guoskkahit du dovddaldagaide, ja das fertet várra čájehit mii dutnje gullá. Dát sáhttá čuožžilan boasttuáddejumi geažil, mas guktot leigga áigon leat positiivvat. Juoga mii lei oalát bisánan fas ilbmá ođđasit, dan leat iešdáhtos diktán orrut ja leat baicce bidjan návccaid eará sadjái. Soaitá dát guoská dasa maid don eaiggádušat earáiguin ovttas.
ČÁHCEOLMMÁI 20/1-18/2
Barggus dahje skuvllas dovddat buorredáhtolašvuođa ja miehtemiela, ja vejolašvuođat badjánit karriearas. Juoga masa ledjet sihkar dus lei stivrejupmi, sáhttá leat áibbas eará maid gáddet, dat gáibida fáhkkestaga hástalusa maid fertet johtilit mearridit. Muhtin eará sáhttá šaddat dehálažžan dutnje, muhto álggus vásihat su leat menddo vuovdnájin.
GUOLIT 19/2-20/3
Dovddut badjánit go deaivvadat muhtin olbmuin gii du mielas váldá menddo ollu saji ja soaittát vel dovdat muhtin gilvogaskavuođa sutnje. Soaitá buoret smiehttat ovttasbarggu ja ustitvuođa ovdal go dainna earduduvvot. Muhtin gaskavuohta ii leat vel áibbas áielggas, muhto ođđa duođaštusaid vásihat vahkkoloahpa. Persovnnalaš ovdáneapmi šaddá dehálažžan ja oaččut mávssolaš cavgileami viidáseappot eallimis.