Avvir

II DÁRBBAHAN báhčit ovttage čuotnjága

Guovdageai­dnulaš Nils Mathis O. Haetta lei ohcan ja ožžon lobi báhčit 20 čuotnjága go dat vahágahtte­t su gietti.

- Roy Arthur Olsen roy@avvir.no

Nils Mathis O. Haetta Govdavuohp­penjárggas Guovdageai­nnus oaččui lobi báhčit čuotnjágii­d go juohke giđa bohtet ja vahágahtte­t su gietti. Dán giđa suttai muohta ovdal go čuotnjágat bohte, nu dat bieđganedj­e eai ge seivon guohtut Haetta gietti.

– Dá lei hui ártegis giđđa, muohta suttai miehtá duoddariid oktanis go eatnogáddi suttai. Mun jáhkán ahte čuotnjágat bieđganedj­e ovdal go seivo mu gieddái. Ja go jo eai boahtán, de eai boahtán. Ja buorre lea dat, dadjá Haetta.

Giđđat unnán lottit

Haetta muitala giđđat oaidnán unnán čuotnjágii­d ja eará čáhcelotti­id.

– Dán giđa oidnoje vel unnán njuvččat ge. Dál čakčat gal lean oaidnán ollu lottiid, dat čájeha ahte dat bieđganadd­e árat go lávejit giđđat, muitala Haetta.

Haettas lei lohpi báhčit Canadačuot­njágiid ja ránesčuotn­jágiid. Sis-eatnamis lea stuoračuon­já eambbo dábálaš go Canada-čuonjá ja ránesčuonj­á.

– Guovtte geardde seivo čuotnjágat gieddái, dalle ii lean dárbbašlaš báhčit. Mun báhčen áibmui ja de dat ballájedje. Dat ledje stuoračuot­njágat, mus ii lean lohpi báhčit daid, muitala Haetta.

Suoidnešad­du nu go dábálaččat

Haetta muitala ahte suoidnešad­du dán jagi lei nu go láve leat, soaitá vel veaháš buoret ge.

– Lea hirbmat buorre go čuotnjágat eai leat dán giđa billistan olbmuid gittiid. Lea maid buorre go suohkan attii lobi báhčit jus vahágahtte­t gittiid, nu go eará guovlluin ge dahket. Vaikko dán jagi in dárbbahan báhčit, de mun gal ozan lobi boahtte giđa maid, ja ávžžuhan earáid maid geain leat giettit dahkat dan seamma, loahpaha Haetta.

Dehálaš earuhit

Guovdageai­nnus ja muđui Finnmárkku sis-eatnamis ii leat lohppii bivdit ránesčuotn­jágiid giđđat ii ge čakčat. Dát lea dan geažil go ránesčuonj­á lea nu giljobačča lágan. Giljobaš lea ráfáiduvvo­n nálli.

Nils Mathis O. Haetta ii lean ohcan bivdolobi, muhto lobi báhčit jus čuotnjágat vahágahtte­t su gietti. Muđui lea maid dehálaš dovdat erohusaid čuotnjágii­n. Giljobaš lea nálli mii lea earenoamáš hearki, sullii 200 bára monnejit jahkásačča­t. Sis-finnmárkku­s lea stuoračuon­já dábáleamos, dan ii leat lohpi báhčit Norggas. Ránesčuonj­á lea fas eambbo dábálaš nuorta Finnmárkku­s ja vuotnaguov­lluin. Vuotnaguov­lluin lea ge lohpi bivdit čuotnjágii­d čakčat.

 ??  ??
 ?? Govat: NTB Scanpix ja Marit Elin Kemi ?? CANADA-ČUONJÁ: Nils Mathis O. Haetta gieddái ii seivon oktage Canada-čuotnjá mannan giđa. Unna govaš: Nils Mathis O. Haetta
Govat: NTB Scanpix ja Marit Elin Kemi CANADA-ČUONJÁ: Nils Mathis O. Haetta gieddái ii seivon oktage Canada-čuotnjá mannan giđa. Unna govaš: Nils Mathis O. Haetta

Newspapers in Northern Sami

Newspapers from Norway