Dáin­na govain duođaštii SNO ah­te gum­pe lea god­dán mie­si

Oslo suo­hkana fuođđolávde­got­ti jođi­head­dji ii ea­h­pit ge ah­te lea gum­pe mii lea god­dán ealg­ga­mie­si olg­g­obe­al­de Oslo, ja son oaččui doar­jaga Sno-bar­gis gova vuođul.

Avvir - - FORSIDE - Nils Jo­han Vars

Man­nan va­hkku čá­lii Nord­re Aker Bud­stik­ke avii­sa ášši go gávd­nui ealg­ga­mie­sseráb­bi olg­g­obe­al­de Oslo, nama­las­sii Sogns­vann báik­kis, dušše moad­de meh­te­ra bálgás eret gok­ko maŋg­gaid du­háhi­id olbmot va­hkko­saččat váz­zet mát­kki­id. Ráp­pis eai lean eamb­bo dávttit vel báhcán go gávd­nui, muhto fuođđolávde­got­ti jođi­head­dji mie­las ii lean ea­h­pá­dus ge ah­te lea gum­pe mii lea god­dán mie­si ja bor­ran.

SNO doar­jjui

Lei eal­ga­biv­di gu­ovl­lus gii man­nan be­ar­jada­ga válddii ok­tavuođa Oslo suo­hkana fuođđolávde­got­ti jođi­head­dji­in To­re Wendt Jo­nasse­ni­inn. Eal­ga­biv­di lei gávd­nan ealg­ga­mie­si ráp­pi. Jo­nas­sen ma­nai báikái gea­hččat ja gávn­nai ge ráp­pi. Go son árv­vošta­lai dan ráp­pi, de som gávnna­hii ah­te leat čiel­ga me­ark­kat ah­te lea gum­pe mii lea god­dán dan ealg­ga. Dušše leat si­h­kar, de son sáddii gova Stáhta Luond­du­be­ar­ráige­a­hču (SNO) bo­ra­spi­re­ok­tavuođa­olbmui. Son oaččui doar­jaga sus, go lei árv­voštal­lan govaid vuođul ah­te lea gum­pe mii lea god­dán dan mie­si.

Dávtti­id gáskke­stan ga­skat

Jo­nas­sen mui­tala ah­te lei hui ál­ki oaid­nit ah­te lea gum­pe mii lea god­dán.

– Ráp­pis led­je gáskke­stuv­von ert­tet­dávttit njuol­ga ga­skat, ja lei maid gáskán maŋŋe­julg­gi­id, mat leat hui si­hk­ka­ris dov­dome­ark­kat, mui­tala son.

– Mus lea oa­h­pi­sin Sno-bar­gi Oslos, ja mun sádde­jin sutn­je maid moad­de gova, ja son ii lean ea­h­pá­du­sas ge ah­te lea gum­pe mii lea god­dán mie­si, mui­tala Jo­nas­sen.

Stuo­ri­dii gova

Áv­vi­ra miel­bar­gi há­li­idii diehtit mas Sno-bar­gi sáhtii dan gova vuođul diehtit ah­te gum­pe lea god­dán mie­si. Da­sa lea Jo­nasse­nis čiel­ga vástá­dus:

– Dat stuo­ri­dii gova dihto­ris ja de oin­nii ah­te lea gum­pe mii lea god­dán. Mun sádde­jin moad­de gova sutn­je maid bea­sai gea­hččat, mui­tala son.

Ii ea­h­pá­dus ge

Áv­vir bea­sai hup­mat Oslo ja Akers­hus SNO bo­ra­spi­re­ok­tavuođa­olbmuin, Hans Pet­ter Klok­ker­en­ge­ni­in, guh­te duođašta ah­te lea gum­pe mii lea god­dán mie­si.

– In leat ieš leam­aš báik­kis, muhto mun ožžon govaid mas oid­nen čiel­ga­sit ah­te lea gum­pe mii lea god­dán ealg­ga­mie­si, mui­tala son.

– Go ert­tet­dávtti­id lea gáskke­stan ga­skat ja maid so­hpan git­ta čielg­gi vuostá, de lea áib­bas čielg­gas ah­te lea gum­pe mii lea god­dán, lo­hká son.

– Dávtti­id ii dárbbat doalv­ut ge

Oar­je-finn­márk­ku oro­haga Co­hko­laga ovda­olm­moš, Jo­han Aslak Lo­gje, lo­hká iežas oaid­nan ášši Face­bo­o­kas. Son lo­hká alcces dan leam­aš imašin, go son goit dov­dá áib­bas eará di­li Finn­márk­kus ja Gu­ov­dage­a­inn­us.

– Gu­ov­dage­a­inn­us goit ii dárbbat dávtti­id ii doalv­ut ge, go de gal dad­jet ah­te sáht­tet maŋŋel eal­lit gáskán. Dop­pe láve­jit nu dár­ki­lit gal­gat oaid­nit ah­te gal­get čiel­ga bátne­sajit, da­hje var­son bier­gu da­hje duollji. Muđui ii dárbbat gal ii doalv­ut ge, ja gu­hk­kin eret dávtti­id, lo­hká son.

– Gov­vet eamb­bo

Finn­márk­ku bo­ra­spi­re­ovd­dasvás­tide­ad­dji Mag­ne As­hei­ma mie­las ii leat ve­aháš ge ár­tet jus govaid vuođul sáht­tet duođaštit ah­te lea gum­pe mii lea god­dán.

– Lea álot sáh­ka das gávd­no go duođaš­tus, leaš dal ol­les ráb­bi da­hje dušše dávttit. Ár­vi­dan mie­sis gávd­ne bát­neme­ark­kaid če­avžžis ja nu ain, ja de han lea doar­vái duođaš­tus, lo­hká son.

– Lea doar­vái duođaš­tus jus buo­rit govat leat. Ii leat áv­ki ráp­pi dušše gov­vet, fer­te maid duođaštu­said gov­vet. Mun ávžžu­han boazosápme­laččaid eamb­bo gov­vet, eare­no­amážit jus lea dakkár báik­kis go­sa lea vát­tis be­as­sat Sno-bar­gii­de doar­vái johti­lit. Da­nin go gov­va duođaštus­san sáht­tá liikká buor­re go dat ah­te buktit Sno-kan­tuvrii ráp­pi. Gov­vet eamb­bo ja ieš gea­hčča­lit duođaštit govaid bok­te, dat lea mu gar­ra ávžžu­hus boazosápme­laččai­de geat gáv­dent ráppi­id maid váro­hit bo­ra­spi­re god­dán, lo­hká son vel loa­h­pas.

nil­sjo­han@av­vir.no

Gov­ven: To­re Wendt Jo­nas­sen/oslo fuođđolávde­gotti­jođig­head­dji

GUM­PE GOD­DÁN: Dán, ja moad­de eará gova vuođul, duođaštii SNO Oslo ja Akers­hus bo­ra­spi­re­ok­tavuođa­olm­moš ah­te lea gum­pe god­dán ealg­ga­mie­si.

Gov­ven: Nils Jo­han Vars (vuor­kágov­va)

REAGERE: Oar­je-finn­márk­ku oro­haga Co­hko­laga ovda­olm­moš, Jo­han Aslak Lo­gje, lo­hká ah­te Gu­ov­dage­a­inn­us gal ii dárbbat dávtti­id ii buktit ge SNO:I duođaštuv­vot oažžut bo­ra­spi­re­va­há­ga.

Newspapers in Northern Sami

Newspapers from Norway

© PressReader. All rights reserved.