Dutki oaivvilda ahte buidodat ii leat dearvvašvuhtii váttisvuohtan

Buidodat lea dat ođđa dábálašvuohta. – Mii soaitit fertet rievdadit Bmi-ráidalasa vai čuovvut ovdáneami, oaivvilda dutki.

– Dat lea masa leat hárjánan, muhto dál lea buidodat šaddan dábálažžan, ja de lea jearaldat šaddat go rievdadit standárda, lohká Steinar Krogstad NRK:I. Son jođiha HUNT dearvvašvuođaguorahallama mii lea leamaš jođus 1984 rájes. HUNT 4 álggahuvvui 2017 čavčča ja bistá gitta ođđajagemánu 2019 rádjái.

Rievdan nu ollu

Logi norgalačča gaskkas leat čiežas badjelmeare buoiddi. Sis lea čoahkkisvuođamihttu (BMI) gaskkal 25 ja 30. Jus lea badjel 30, de lea buidodatváddun. – Dávjá daddjo ahte dat mii lea gaskamearálaš lea dábálaš, muhto go dat mii lea dábálaš lea rievdan nu ollu, de leat erenoamáš dilis, dadjá dutki.

Buidodat ii leat váttisvuohtan

Krogstad mielas ii leat buidodat váttisvuohtan dearvvašvuhtii. Váttisvuođat leat go álget buidodatváttut. De sáhttá álkit oažžut sohkardávdda, golluleasmedávdda ja eará rumašbákčasiid.

BMI gávdná go buohtastahttá allodaga ja deattu mihtuid. Mánáide lávejit rehkenastit BMI mihttuid agi ja sohkabeali ektui. (©NTB)

Govven: Gorm Kallestad / NTB Scanpix BUIDODAT: Dearvvašvuođadutki oaivvilda ahte buidodat ii leat váttisvuohtan ovdal go šaddá badjelmeare buidodat, go de sáhttá oažžut dávddaid nu go sohkardávdda, leasmedávdda ja eará rumašbákčasiid.