Ella Marie rámiduvvo sosiála mediain
– Násti lea riegádan, álbmot lea sávron. Olu lihkku, Ella Marie Haetta Isaksen. Mis dat gal lea álo Ofelaš …
– Lea nu olu fápmu Ella Marie luođis ahte dat bávkala regiuvdnareforpma. (Ávvir jorgalan sámegillii)
– Odne eahkes cáhkkehuvvui ođđa násti almmis. Mii "heiet" du ovddasguvlui Ella Marie. (Ávvir jorgalan sámegillii)
– Lihkku vuoittuin, Ellažan! Don leat áigá čájehan du boahtteáigi lea lávddi alde čeahpimusaid searvvis. Odne nannejuvvui dat buohkaid ovddas. – Luohti doaimmai 100 proseantta. Ándagassii, muhto buorebut go originála. Ná sáhttá dahkat, olbmot. Olu lihkku buohkaide bearrašiin Deanus ja Guovdageainnus, ja muđui buohkaide olles riikkas. (Ávvir jorgalan sámegillii) – Wow! Áidna mii lei boastut dáinna čáppa luđiin lei ahte dat ii bistán olles eahkeda. Fantastalaš, Ella Marie. (Ávvir jorgalan sámegillii) – Hui olu lihkku vuoittuin, Ella Maria. Don leat nu čeahppi, ja dus leat jáhkkemeahttun buorit ovdanbuktinattáldagat ja lávdde alde. Lea gelddolaš čuovvut du viidáset ovdáneami ja karrieara. Olu lihkku! (Ávvir jorgalan sámegillii)
– Luođis lea eanet fápmu go ruvttain! Olu lihkku, Ella Marie! Don leat earenoamáš ja dagahat ahte nu oallugat leat rápmásat sin duogážiin. Ii goasse ge ovdal leat ná olu juigojuvvon «gullrekkas». Dus lea boahtteáigi ovddabealde. (Ávvir jorgalan sámegillii)