Terror, identitehta ja oktavuohta Sámis
Tharaniga Rajah lea okta dain girjedebutánttain dán čavčča. Romána lea originála muitalus terrora, identitehta ja oktavuođa birra.
«Det er lenge til skumring» romána lea ovtta eatni birra gii fárre iežas nieiddain Kárášjoga gávpogii maŋŋil go Norga lei jávkadan sámevuođa ja go sámi stáhta vuođđuduvvui ja go čuožžila riidu ránnjáriikkaiguin.
Rajah oasálastá ovttas Siri Broch Johanseniin girjebuokčaleamis mii lágiduvvo Oslo Sámiid Searvvi 70- jagi ávvudoaluin Oslos skábmamánu 23. ja 24. beaivvi.
Girjebuokčaleami fáddán lea Sápmi dego fiktiiva stáhta girjjálašvuođas, čállá Oslo Sámiid Searvi.
Sámi stáda rahčan maŋŋil skandinávalaš soađi
Romána birra muitaluvvo oanehaččat ahte maŋŋil go Norga lea jávkadan sámevuođa, de váldá Raisa iežas nieidda, Násti mielde mielde Finnmárkui. Doppe soai šaddaba oassin sámi servodagas, mii hukse sámi stáda. Muhto ođđa stáhta fallehuvvo ránnjáriikkaide, ja Raisa rahčá suddjemis iežas ođđa riikka ja nieidda.
Girji almmuhuvvui golggotmánu 26. beaivvi.