– Mus lea eare­no­amáš be­roštup­mi dán áššái

Avvir - - OĐĐASAT -

Hå­kon Isak Vars lea čuv­von Sok­ki ášši Hå­lo­galánd­da lá­gamán­ne­rievt­tis Roms­sas, ja lo­hká ald­dis eare­no­amáš be­roštu­mi dán áššái. ČUV­VON SOK­KI ÁŠŠI DIK­KIS: Berošte­ad­dji ja Face­bo­ok­jo­av­kku «Støtt Pe­der Sok­ki i kam­pen mot sta­ten», da­hje «Doar­jjo Pe­der Sok­ki ra­hča­ma stáhta vuostá» álgga­head­dji, Hå­kon Isak Vars. Gov­ven: Nils Jo­han Vars (vuor­kágov­va)

Vars lea ge maid son gii bi­jai johtui ruhtačoagg­ima doar­jun dih­te ruđalaččat Sok­ki go lá­gas­ta iežas rivtti­id al­de.

Goab­bat­lá­gan čuočču­hu­sat

Vars lo­hká iežas be­as­san ču­ovv­ut dik­ki álg­gus lo­hppii, ja lo­hká dik­kis leam­aš goab­bat­lá­gan oa­innu áššái. Ráđđe­hus­ad­vokáht­ta hup­má čađat ášši bir­ra dego livččii sáh­ka ođđa siida­o­a­sis. Sok­ki bealušteaddji fas čuočču­ha ah­te ii le­at sáh­ka ođđa siida­o­a­sis, muhto Sok­ki eagi siida­o­a­si fas ra­hpat.

– Dán áššis lea rivttiin sáh­ka, ja da­nin lea mus maid eare­no­amáš be­roštup­mi da­sa, lo­hká son.

Čuočču­han ald­dis rivtti­id

Vars mui­tala ah­te sus lea eare­no­amáš be­roštup­mi áššái go sus lea sul­la­saš riek­teášši jođus. Vars lo­hká iežas biv­dán Finn­márk­k­u­kom­mišuvn­na čielg­ga­dit Sim­ma­si­id­da rivtti­id dálve­guohtoneat­namii.

– Dat ášši lea jođus, ja sáht­tá maid mus šad­dat sul­la­saš dig­gi rivtti­id al­de, mui­tala son. Lea bat eat­nami­in šat sadji eamb­bo bohc­cuide?

– Nu go Jo­nas­sen da­jai hui vuo­hk­ka­sit dik­kis:

«Boazolo­hku han ii galg­ga le­at heht­te­hus­san be­as­sat vál­dit at­nui rivtti­id mat le­at».

– Di­et da­jal­dat han lea áib­bas duohta, ah­te ii sáh­te juoga mii nu heht­tet ah­te riekte­guod­di ii bea­sa iežas rivtti­id vál­dit at­nui. Dat guoská hui čiel­ga­sit Sok­kii dán áššis, ja mun maid oa­innán iežan dá­fus ah­te lea nu, lo­hká son

Newspapers in Northern Sami

Newspapers from Norway

© PressReader. All rights reserved.