HOROSKOHPA - boahtte vahkku
FIERCA 21/3-19/4 Dán áigodagas guoskkahat sihke erotihkkii ja suohttasiidda ovttas guimmiin dahje suinna geainna aiddo leat oahpásnuvvan. Don earduduvvot go ustitbirrasis dahje muhtin joavkkus ii leat ovttaoaivilvuohta, muhto dan lea buoret doalahat iežat siste. Muhtin ovttasbarggus dohkkehat eambbo go maid jurddašat lea vuoiggalaš, go dás oainnát guhkit áigge vuollái vejolašvuođaid. Dat gártá ahte dohkkehat gaskaneassoahpamuša dahje deaivvadeahppi gaskamuttus. VUOKSÁ 20/4-21/5 Don hárdašuvat danin go earát govddahaddet, danin go ieš dárbbašivččet oidnot ja maiddái rábmojuvvot. Muhto dus leat návccat ja berret diktit smávvariidduid orrut. Gaskamuttus vahku movttiidat ja álkit oahpásnuvat singuin geaiguin deaivvadat. Dás sáhttá leat boađus guhkit áigge ustitvuhtii, ja dál lea maid vuogas áigi buoredit gaskavuođa mii lea čáskamin. JUMEŽAT 21/5-21/6 Barggus lea dus bargomokta ja vásihat ođđa attáldagaid. Oainnát ođđa beliid barggus, dahje mearridat viidáseappot mannat ja heaitit dainna mainna it leat leamaš nu duhtavaš. Muđui leat hutkái ja duhkoraddalas ja oainnát čuovgadut beliid eallimis. Muhto eallinoaidnu lea maid dehálaš dál, ja soaitá don deattuhat vel ahte dus leat eará árvvut go sis geat du birrasis leat. REABBÁ 22/6-22/7 Eallinmokta badjána ja doai guimmiin movttáskeahppi suohtastallat. Jus dus ii leat guoibmi, de lea stuorát liiba ahte muhtin gean vállješit, čoalkala uksii. Dál luoitilat maiddái álkibut dan ovddasvástádusa ja ealát eanet luvvosat olbmuid siste. Jus dus leat hutkáivuođa attáldagat, de fertet dasa bidjat eanet áiggi, ja udnot alccet stoahkama, das dovddat ilu badjáneamen. LEDJON 23/7-22/8 Dus lea dáhpi iežat veardidit earáid ektui, ja dat cakkada dan huksejeaddji ovttasbarggu. Muhto dattetge lea dus dan seammás dat deaddu mii lea dárbbašlaš rájáid bidjat, jus dárbbašuvvo. Ruovttus dahje bearraša oktavuođas lea dus dilihisvuohta, muhto ráhkaduslaš áigi. Sáhttet rievdadusat šaddat, nu mo dálu ođasmahttin, fárren dahje ođđa geatnegasvuođat. BUHTISNIEIDA 23/8-22/9 Dán áigodagas šaddet ollu doaimmat, unnit barggut ja geatnegasvuođat, muhto don sáhtát huša garvit jus plánet ja barggat ain ovtta ášši háválassii. Dál lea vuogas áigi geargat muhtin riidduin ja geahččat áššiid viidát. Dus lea álki badjelassii dohppet menddo ollu dahje lohpidit eanet go maid nagodat, muhto leat čeahppi sániiguin ja dan láhkái fidnet olbmuid iežat beallái ja ráhkadat áŋgiruššama. VIEHKAT 23/9-22/10 Dus lea sihke ruhtadilli ja riggodat deháleabbon dál. Dál šattat dan dillái goas fertet válljet, smiehttat materiálalaš oadjebasvuođa ja nuppe bealis fas árvvoštallat vejolašvuođaid mannat viidáseappot dahje háhkat juoga man guhká leat háliidan. Dás lea gaskavuohta guoibmái dat mearrideaddji. Don doalvvut iežat dakkár dillái gos fertet luoitit juoga vai olahat eará guhkit áigge vuollái. SKORPIUVDNA 23/10-21/11 Dál guođát boares áššiid duogábeallái. Ođđa áigodat álgá, mokta ja álgga lea badjin, hutkáivuohta moriha, ja ieš bijat eavttuid alccet. Ruhtadilis oainnát vejolašvuođaid ja válddát johtilis mearrádusaid. Muhto várut fal menddo johtilis mearrádusaid váldimis. Ruovttus dahje bearašoktavuođas johtilit earduduvvot, muhto jus gáibidat erenoamáš vuhtii váldima ja saji, de das álkit earduduvvot. BÁHČČI 22/11-21/12 Dál lea álkit oažžut oktavuođa iežat siskkáldas dovdduiguin, ja manne ii bidjat áiggi mediteremii ja smiehtadit maŋos guvlui? Juohkebeaivválaš doaimmat leat ollu olles vahkku, livččii buoret jus plánet beivviid ovddos guvlui. Don háleštat maid álkit ja geahppadit, muhto sáhtát muhtimiid leat vehá garas, dohppet johtilis mearrádusaid, dahje šattat menddo ceaggái ja hárddát earáid iežat ala. BÁKTEBOHKKÁ 22/12-19/1 Dál šattat duođaleabbo ja leat eanet várrugas go muđui, muhto jus leat menddo eahpidahtti, de dat sáhttá caggat vejolaš oahpásnuvvamiid. Muhtin vejolašvuohta oktasaš ovddasvástádussii čuožžila. Dás ovddos guvlui leat eanet fuolalaš makkár hámis du gaskavuohta lea muhtin jovkui dahje skihpáriidda, ja dás dovdagoađát buoret ovttasbarggu earáiguin. ČÁHCEOLMMÁI 20/1-18/2 Dál lea ovttasbargu dárbbašlaš jus galggat olahit maidige, dan seammás maid áiggošit ieš mearridit. Muhto iešdovdu badjána, barggus válddát ovddasvástádusa ja čájehat dan vuogas láhkái, ja dás oidno maid ovddideapmi. Oidno dál buorebut ahte don leat čeahppi váldit ovddasvástádusa ja initiatiivva, muhto várut fal ahte it šatta mášoheapmin itge dohkket ahte earát eai leat ovttaoaivilis duinna. GUOLIT 19/2-20/3 Dál dárbbašat friddjavuođa ja bosihastit. Dat gártá ahte don plánet muhtin mátkki, muhto maiddái deattuhat iežat oaiviliid mat gusket du birrasii. Dás boađát guhkkelebbui jus leat govttolaš. Dál lea vuogas áigi árvvoštallat man guhkás leat joavdan ovdánemiin ja bidjat plánaid mo viidáseappot ollet. Ođđa fuomášumit fuomášuvvojit ođđa oahpásnuvvamiin.