Finnmárkku journalisttaidsearvvi vuoitit
Finnmárkku journalisttaidsearvi lea juohkán diplomaid ja gutnálaš bálkkašumiid, guokte govvabálkkašumi ja journalisttabálkkašumi. Ovtta dain vuittii Guovdageaidnulaš.
Ledje boahtán ollu nominašuvnnat bálkkašumiide ja dat mielddisbuvttii ahte šattai bálkkašupmeolahus.
Nominašuvnnaid gaskkas leat viiddis ja kreatiiva journalisttalaš bargomállet. Leat maid mearkkašahtti ollu oasseváldit govvabálkkašumi evttohasain. Dasa leat ge Finnmárkku journalisttaidsearvvis ollu jagiid ohcalan buoret ja stuorát prošeavttaid, ja máŋgga geardde eai leat oba juoh- kán ge govvabálkkašumi. Dán vuoro ii lean gal dat váttisvuohta, go ledje 32 buktaga sáddejuvvon nominašuvdnii.
Journalistabálkkašumi válljemis sii váillahit stuorebuš áššiid, mat ovdanbuvttáše áššiid juoga man birra mii geahččaluvvo dollot čiegusin. Muhto dan sadjái sii leat ožžon sisa ollu prošeavttaid main leat váldon atnui, ođđa ja teknihkalaš kreatiiva journalisttalaš vuogit.
Lassin lea mearkkašahtti ahte finnmárkkujournalisttat leat álgán čiekŋudit dokumentáralaš eallinvurbbiide, olbmuid eallimiidda geat leat dulbmojuvvon stuorraservvodagas.
Ollu dáin áššiin leat vuoitán lohkkiid ja olahan našunála dássái.
Finnmárkku journalisttaidsearvvi vuoitit ja bálkkašumit:
Golmmas ožžo diploma ja gutnálaš nammadeami govvemis: Frida Persen: «Biljaktrømling tas». Frilans/ságat: Ole Gunnar Onsøien: «Haakon Wara», Finnmarken/ ifinnmark Alf Ove Hansen: «På jobb med en sykepleier i Måsøy kommune». Argus Media
Dán jagi juhke guokte govvabálkkašumi ja vuosttaš vuoiti Eskil Wie Furunes govvaráidduin «Jon», NRK Finnmark.
Nubbi gii oaččui govvabálkkašumi lei Nils Martin Kristensen, Guovdageainnus eret. Son bargá beaivválaččat Guovdageainnu lagasrádios. Son vuittii govvaráidduin «Den siste flight», mas son lei govven Morten Ruud go lei gyrokopteriin bisánan Guovdageidnui iežas olbmáin. Go girdileigga Guovdageainnus de gahčai girdi Gilbbesjávrre guovllus ja Ruud duššai. Morten Ruud lei NRK Finnmárkku redaktevra.
Journalisttabálkkašumis oaččui okta váldobálkkašumi ja njealjis ges ožžo diploma ja gutnálaš nammadeami.
Váldobálkkašumi oaččuiga Ida Louise Rostad og Eskil Wie: «Dinas rop om hjelp»
Njealje diploma ja gutnálaš nammadeami vuoitit:
Thomas Nilsen: «Satellittbilder røper russisk opprustning». The Barents Observer Eskil Wie Furunes: «Tallet som aldri eksisterte». NRK Finnmark Vanja Holst Skotnes: «Kjøllefjordsaken», Finnmark Dagblad/ifinnmark. Carl-gøran Larsson: «Hjertet til Nlaea svikter», NRK Sápmi