Čájehit Noaiddi árbi
Bovdejit čajáhusrahpamii «Noaidens arv / Noaiddi arbi – Johan Kaaven» Kárášjogas skábmamánu 7. beaivvi diibmu 18.00. Čájáhus lea rabas gitta ođđajagimánu 20. beaivái.
Noaidiens arv / Noaiddi árbi: Johan Martin Kaaven (1835-1918) čájáhusas leat muitalusat Kaavena eallimis ja su váikkuhusain. Muitalusat leat govviduvvon historjjálaš govaid, málagovaid ja arkiivaáššebáhpiriid máŋgosiid vuođul.
Johan Kaavena maŋis eai leat báhcán go guokte dávvira, ja dat leat niestebumbá ja girji «Bibelens Kvinder». Goappaš diŋggat gullet Porsáŋggu museai ja dáid gávdná Riddo Duottar Musea ja Sámiid Vuorká-dávviriid guovddážis.
Kaaven riegáduvvui Riehppovuonas ja 1836:s fárrii su bearaš ovtta báikái Lákkovuonas man namma lei Kåven. Doppe válddii su bearaš Kaaven goarggu. Kaaven lea geahčestuvvon Norgga stuorámus oavduolbmán. Muitalusat su birra gullojit ain Porsáŋggu ja Kárášjoga álbmogis. Muitaluvvo ahte Kaaven válddii baháid eret olbmuin, geat ledje noidojuvvon, ja jorgalahtii noaiduma. Son lei dakkár gii oinnii eambbo go earát ja buorádalai. Su attáldagaid geažil lei son árvvusádnojuvvon ja sus maiddái balle olbmot.
«Mannen som stoppet hurtigruta» lea eanemus dovddus muitalus Kaavena birra. Dan historjjás muitaluvvo movt son oktii bissehii Hurtigrutena. Historjá lea addán nama girjái mii lea čállon su birra, maid Richard Bergh ja Erik Edvardsen leaba čállán.
Bovdejuvvon guossit
Rahpančájáhussii boahtá Arnhild Kåven dearvvuođaiguin. Arnhild lea Kaavena máttarmáttaráddjut. Gunnhild S. Engstad, Finnmárkku Interkommunalt arkiivvas boahtá ovdanbuktit muhtin osiid dain arkiivaáššebáhpiriin mat leat Kaavena eallima birra.
Lassin čájeha Sámiid Vuorkádávvirat muhtun šielaid musea čoakkáldagas.