Kárášjogas kulturmárkanat
Mannan vahkku álge márkanat ja vuosttaš oasis prográmmas besse olbmot oahppat eanet kulturskuvlla fálaldagaid birra.
Kárášjoga gielda lágidii maid diehtočoahkkimii mánnodaga gos ságastallo kulturmuittuid birra mat leat gielddas, ja movt daiguin galgá bargat viidásat.
Kulturmárkanat bistet skábmamánu 18. beaivvi rádjái.
Duodjemárkanat
Skábmamánu 10.beaivvi lágiduvvojedje duodjemárkanat Kárášjogas valáštallanhállas gos 40 vuovdinbeavddis fálle duojárat ja gávppit gálvvuid. Lei guđát luohkká Kárášjoga mánáidskuvllas geat lágidedje márkaniid.
Doalut miehtá gili
Muđuid leat doalut buot gieldda almmolaš lanjain, nu go álbmotgirjerádjosis, Kárášjoga girkus, servvodatviesus, fuolahusviesuin, Sámi Giella- ja kulturguovddážis ja valáštallanhállas.
Maiddái fitnodagain nu go Duodjeinstituhtas, Scandic Káráš- jogas, Sámi Dáiddaguovddážis, Sápmi Parkas, Beassi kulturstašuvnnas leat lágideamit dán guovtti vahkkus.
Kulturvahkku prográmmas lágiduvvojit sihke duodjemárkanat, duodjebájit ja eará bargobájit.
Mánáide ja nuoraide
Nuoramusaide mat leat 4- jahkásaččat, lágidii girku deaivvademiid, seammás go ožžo girjji girkus.
Boarraset mánáide ja nuoraide lágiduvvo lávdedáiddajoavku skábmamánu 13.beaivvi, gos besset gullat eanet nuoraidkulturdeaivvadeami birra mii lea boahtte jagi álggus.
Juovlameassut girkus
Girkus lágiduvvojit juovlameassut bearjadaga skábmamánu 16. beaivvi, gos beassá gávppašit máŋggalágan gálvvuid ja giehtadujiid. Diibmu 12:s lea maid ruhkos.
Mannan mánnodaga álge kulturmárkanat Kárášjogas mat bistet guokte vahkku. Gielddas ealáskit fálaldagat mat heivejit buot agi ássiide.
Guoládaga sámit oahpahit
Kárášjoga gieldda ustitvuođagielddas Lujávrris bohtet duojárat geat oahpahit duddjot bearraliiguin ja sistedujiid duddjot.
Guoládaga sámi bivttasárbevieruid birra lea maid logaldallan ja čájáhus. Lágideapmi lea Beassi Kulturstašuvnnas skábmamánu 17. ja 18.beivviid, ja oahpaheaddjit ja logaldallit leat Anna ja Alexandra Galkina, Alexandra Artieva ja Valentina Sovkina.
Rap-musihkkár ja reaškkáldahtti
Beakkán anárlaš rap-musihkkár Ailu Valle, reaškkasgahtti Trine Lise Olsen ja Skuvlla-biehtár Ánne šovva guoimmuhit sihke rap-musihkain, suohttasiiguin ja satiirrain skábmamánu 13.-14. ja 15. beivviid servvodatviesus ja álbmotgirjerádjosis.