– Dál ii gávd­no givssideapmi

Gorravári skuvlla rek­tor To­ril He­le­ne Isak­sen lo­hká skuvlla birra­sa ollu buor­rá­nan dan rájes go álg­gii rek­to­rin golbma jagi ái­gi. Su dieđu miel­de eai galg­ga sá­mi mánát givs­si­duv­vot.

Avvir - - OĐĐASAT - Ma­rit Elin Ke­mi ma­rite­[email protected]­vir.no

Isak­sen ii loga ái­g­ut kom­men­te­ret eaŋkilášši­id me­dias, ii ge son loga dov­dat bu­ot dáid ášši­id maid váhne­mat mui­ta­lit Áv­virii.

– Lea hui vái­vi go muh­timi­in le­at heajos vásáhu­sat skuvllas. Muhto mun in sáh­te da­id kom­men­te­ret in ge mui­ta­lit mo­vt mii le­at gea­hččalan čo­av­dit eaŋkilášši­id. Mun sáhtán baic­ca dad­jat ah­te le­at eamb­bo bea­lit ášši­in go dat mii boahtán ov­dan, main bu­ot bea­lit eai guosk­ka njuol­gut skuv­lii, dad­já son.

Rek­tor ja in­spekte­vra le­aba moad­de jagi ái­gi lotna­huv­van, ja Isak­sen čuočču­ha ollu lea riev­dan dan moat­ti ja­gis go son lea leam­aš rek­to­rin.

Ii le­at givssideapmi

Son ii le­at gullan sá­mi ohppi­in ah­te sii givs­si­duv­vo­jit, baic­ca nup­pelád­je, ah­te sis lea buor­re dil­li skuvllas.

– Mu áig­gis ii le­at leam­aš givssideapmi skuvllas. Lean dál bar­ga­me goalm­mát skuv­la­jagi rek­to­rin ja mis lea čađat leam­aš buor­re dia­loga váhnemii­guin. Mii le­at bov­den dia­lo­gačoa­hk­kimi­id­da ja bid­jan doaimmaid johtui go lea dárbbašuv­von. Mii há­lii­dat čađat ovt­tas­bar­gat váhnemii­guin. Há­li­i­dit buor­rá­nit ja dan ovdii mii bar­gat čađat. Mun duost­tan maid dad­jat mii le­at boahtán oal­le gu­hkás dan barg­gus, dad­já son.

– Ču­ovv­ut lá­gaid mobbe­ma dá­fus

Son mui­tala sis le­at guok­te mob­be­nisk­kadeami juo­hke jagi ja vel ohppi­i­disk­kade­ap­mi las­sin. Dain ii le­at boahtán ov­dan ah­te oa­hp­pit dov­det givs­si­duv­von. Isak­sen lo­hká ieža­set gi­eđa­hal­lat bu­ot ášši­id lá­gaid ja njuolg­ga­du­said miel­de, eare­no­amážit oa­h­pa­hus­lá­ga kapih­tal 9a ohppi­id skuvla­birra­sa bir­ra ja son maid bar­gá suo­hkana doaibmaplá­na mihtuid miel­de.

– Dál dus­tet sámástit

Rek­tor ii loga dov­dat dáh­páhusa mas váh­nen ja oa­hp­pi šikko­ha­lai­ga hup­ma­mis sá­me­gie­la skuv­lačoa­hk­ki­mis.

– Diekkár dáh­páhus, man váh­nen lo­hká dáh­páhuv­van skuvllas, ii livčče goit dáh­páhuv­van dál. Mii at­nit ol­lis­laččat árv­vus sá­me­gie­la, ja min mie­las lea áib­bas ortne­gis oažžut dulko­juv­vot sá­gas­tallami­id. Dat mii munn­je lea de­hálaš, lea ah­te bar­gat bu­ot ášši­in se­am­ma lád­je, leaš dál sá­mi, dáru vai vuostáivál­din­luo­hkás sáh­ka, dad­já son. Vuostáivál­din­luo­hkká lea si­safárre­jed­dji­id mánái­de.

Isak­sen ii loga ožžon dieđuid ah­te mánát eai duost­ta sámástit skuv­lašil­jus gos earát gul­let. Dál lo­hká baic­ca oaid­nit ja gullat ah­te oa­hp­pit dus­tet hup­mat sá­me­gie­la go le­at ol­g­un ja go serv­voštal­let earái­guin, ja dan lo­hká hirbmat suohta­sin gullat.

Eamb­bo re­surs­sat

Rek­tor ii ge mieđit ah­te sá­me­gi­el­luo­hkás lea be­are los­sat le­at oa­h­pa­head­djin go gal­get oa­h­pa­hit moad­de skuv­lacea­hki ok­ta­nis.

– Lea ve­ahá gái­bide­ad­dji dieđus­ge oa­h­pa­hit máŋ­ga cea­hki se­am­ma di­im­mus, muhto manná bu­res. Sá­me­gi­el­luo­hkká lea ožžon eamb­bo re­surs­said ja dat lea min mie­las hirbmat buor­re, dad­já son.

Nan­net gea­suheami

Isak­sen há­lii­da máŋgii de­attu­hit ah­te su mie­las lea hui va­hát go sin skuvllas unnu sá­me­gi­el­luo­hkká ja­gis ja­hkái, ja son bal­lá dat fálal­dat no­hká jus ná joat­ká. Dan ok­tavuođas le­at sii buk­tán suo­hkana oasse­plá­nii evtto­hus­aid mo­vt háhkat eamb­bo ohppi­id

– Eat mii le­at li­h­kostuv­van re­krut­teremi­in, dan gal oažžut mieđi­hit. Mii fer­te dan­ne juo­hki­goahtit dieđuid dan rájes juo go mánát le­at vuost­taš de­arv­vašvuođais­ko­sis unnin, na goit mánáid­gárd­dis. Fer­tet maid le­at ra­hpa­se­ap­pot. Dál le­at dan­ne ov­dame­ark­ka dih­te bov­den sá­mi mánáid­gárddi­id do­hkká­teáh­terii vai oid­net maid mii bar­gat sá­mi luo­hkás. Ii ge doa­la deaivása ah­te sá­mi luo­hkká geav­vá olg­g­obe­al­lái go le­at ok­ta­saš doalut, dan gal eai da­ga, dad­já son.

Gov­va: Ált­tá suo­hkan.

– OLU LEA BUOR­RÁ­NAN: Gorravári skuvlla rek­tor To­ril He­le­ne Isak­sen lo­hká ohppi­id mui­ta­lit bu­o­ri skuvla­birra­sa bir­ra dál.

Newspapers in Northern Sami

Newspapers from Norway

© PressReader. All rights reserved.