Sávvá čovdosa gávdnat bisuhit fálaldaga
– Okta vuohki lea álggahit proseassa ráhkadit politihkalašdokumeantta ulbmiliiguin, mihttuiguin, sávaldagaiguin ja mo olahit ulbmiliid. Seammás ferte Kárášjohka bivdit veahki čoavdit hástalusaid mat leat, lohká Tove Smaadahl.
Heahteguovddáščállingotti beaivválašjođiheaddji Tove Smaadahl mielas lea hui duođalaš ja váidalahtti go oaidná makkár hástalusat leat sámi servodagas.
– Mii diehtit ahte Kárášjoga gielda ii soaitte vuoruhan heahteguovddáža, muhto dál ožžot dan vejolašvuođa vuoruhit ja hukset buori fálaldaga, dadjá Tove Smaadahl. Son lasiha ahte Sámi heahte- ja inseastaguovddáš ii leat áidna guovddáš mii rahčá Norggas.
– Erohus lea ahte Sámi heahteja inseastaguovddáš rahčá hui olu ja leat ollu váilevašvuođat, lohká son.
Ođđa ruhta ja olbmot
Kárášjoga gielddas leat ollu hástalusat, Tove Smaadahl liikká oaidná vejolašvuođa čoavdit ja buoridit fálaldaga, muhto geatnegahttá gieldda dustet ja bivdit veahki.
– Lea ollu hástalusat, visti lea beare heittot ja lea váilevaš gelbbolašvuohta. Jus galget gádjut de ferte ođđa ruhta ja ođđa olbmot fertejit sadjái, dadjá Smaadahl ja čujuha olusat leat gergosat veahkehit, muhto gielda ferte ieš bivdit veahki.
Logut muitalit
Tove Smaadahl sávvá gielddastiv- rra jorggiha dahje jobe maŋida ášši.
– Lea dehálaš fálaldat maid oaidná ferte bisuhuvvot. Heahteguovddážat gádjot olbmuid, čuohteduhát nissona ja máná leat geavahan fálaldaga maŋemuš jagiid. Logut muitalit man dehálaš fálaldat lea go olmmoš lea heađis, dadjá son.