Veagalváldináššit duppálaston
ROMSA: Romssa politiguovllus livčče dál 45 veagalváldinášši dutkamis, muhto váilot hárjánan dutkit, čállá Nordlys aviisa. Eanas áššit leat dáhpáhuvvan feasttaid oktavuođas ja 75 proseantta gillájeddjiin leat gaskal 17- ja 23-jahkásaččat.
Dán rádjái leat politiguovllus registereren 80 veagalváldinášši dán jagi. Diibmá ledje 63 ášši, ja ovddit jagi 47 ášši. Romssa suohkanis dat leat lassánan dákkár áššit eanemusat.
– 2017 politireforpma maŋŋel gáibiduvvojedje eambbo jođiheaddjivirggit, ja danne sirdojedje hárjánan áššedutkit jođiheaddjevirggiide, dadjá Romssa ja Finn- márkku vuosttašstáhtaadvokáhtta Lars Fause Nordlysii.
70 ášši maid dán rádjái leat heaittihan, leat 12 áššis boahtán áššáskuhttin. Muhto Fause ii loga mearkkašit ahte politiijat leat heajos barggu bargan, vaikko eai leat eambbo diggeáššit šaddan dain.
(Gáldu: NTB)