Sara Ajnnok nammaduvvon Grammis 2019 musihkkabálkkašupmái
Ártista Sara Ajnnok lea nammaduvvon Grammis 2019 musihkkabálkkašupmai Ruoŧas, lávlagiin «Sara Ajnnak – Gulldalit – Can You Hear Me». Son lea nammaduvvon kategoriijai «Dan jagáš álbmotmusihkka», ovttas njeljiin earáin. Oktiibuot leat 20 kategoriija masa le
Sara Ajnnok lea áidna sápmelaš sámis gii lea nammaduvvon Grammis musihkkabálkkašupmái sámi musihkain.
Guovvamánu 2019:s nammaduvvo son gii oažžu Grammis 2019 musihkkabálkkašumi.
Stuorámus ja fiidnámus musihkkabálkkašupmi
Ajnnok lea ilus go Ávvir humada suinna, go lea nammaduvvon dakkár stuora musihkkabálkkašupmái.
– Dá lea Ruoŧa stuorámus ja fiidnámus musihkkabálkkašupmi maid sáhttá oažžut, lean nu ilus ja rámis go dasa lean nammaduvvon, lohká son.
Háliidivčče eambbo sápmelaččaid nammaduvvot dasa
Váikko Ajnnok lea áidna sápmelaš gii lea nammaduvvon dan bálkkašupmái, de lohká son ahte livčče šávvat eambbo sápmelaččat nammaduvvojit dása.
– Livčče hirbmat somá jus eambbosat Sámis dása nammaduvvojit.
Luohti maiddái gullo
Musihkka mainna Ajnnok lea nammaduvvon, lea musihkka mas gullo tradišuvnnalaš luohti maid.
Buori barggu bargan
Ajnnok lohká iežas bidjan ollu áig- gi ja návccaid dán musihkkii maŋemuš jagi, ja dá bođii ge boađus go lea nammaduvvon musihkkabálkkašupmái.
– Dát čájeha ahte lean buori barggu bargan, lea hirbmat buorre dovdu mus dál.
Juohkehaččas hállu vuoitit go nammaduvvo
Go Ávvir jearrá Ajnnokas makkár vuordámušat sus leat, de lohká ge son ahte juohkehaččas lea dieđusge hállu vuoitit go lea nammaduvvon dákkár bálkkašupmái. – In dieđe sihkkarit movt sii válljejit vuoiti sin gaskkas geat leat nammaduvvon, muhto šaddá gelddolaš guovvamánus go galget nammadit juohke kategoriijas vuoiti.
Hušas jahki lea leamašan
Dás ovddasguvlui lohká Ajnnok iežas áigut jaskadit bargat musihkain, go lea leamašan oalle hušša dan maŋemus jagi.