– Eahpečielga boazodoalloláhka
Norlándda fylkkamánni areála- ja boazodoalloossodaga vuolitdirektevra, Magne Totland, čilge manin sii addet siidaoasi Per Anders Kappfjellii.
– Jillen-njaarke Oarjjit-siida lei guoros, go heite sii geat barge bohccuiguin doppe. Doppe leat sierra doaibmanjuolggadusat, mii maid mielddisbuktá sierra boazolohku. Jus maid geahččat olles Jillen-njaarke orohaga oktan, de lea doppe maid birrasii 500 unnit bohcco go mii sin alimus boazolohku lea. Danin mii oinniimet ahte doppe lea buorre sadji bohc- cuiguin bargat oarjjit-siiddas, lohká son.
Váidda
– Manin ehpet doahttalan váidaga mii bođii dan siidaoasi ásaheami oktavuođas?
– Váidda ii boahtán ovdal go maŋŋel go leimmet dohkkehan dan siidaoasi Kappfjellii, lohká son. – Muhto dii han doalaheiddet liikká dan siidaoasi ásaheami, vaikke bođii váidda. Manin nu? – Boazodoalloláhka ii leat diekko bokte čielggas, ja min dul- koma mielde de lea Kappfjell bargagođii bohccuiguin dan guoros oarjjit-siiddas. Go boazodoalloláhka ii leat čielggas, de jáhkán dan čájehit maid Boazodoallostivrra mearrádusa, mas mearrádussan šattai 2-2, muhto jođiheaddji duppaljietna dagahii ahte Kappfjell ii ožžon doalahit siidaoasi. Min bealis mii leat geargan áššiin, lohká son.
– Lea go nu ahte lehpet dájuhan Kappfjell, go dalle lehpet dohkkehan siidaoasi, vai son sáhttá šaddat heaitit dál? – Kappfjell han ii dárbbat vuovdit goit dahje heaitit, jus šiehtadusa oažžu eará siiddaosiiguin ahte muhtuma sin siidaoasi olis bargat. Doppe leat buorit bohccot, ja orru sadji leamen, ja maid dárbbahuvvojit liigebargit dohko, lohká Totland vel loahpas.