Norgalaččat dorjot eambbo go goassege ovdal leat dáhkan
Čoagginorganisašuvnnat eai leat goasse čoaggan nu ollu ruđaid go dal. Báhtareaddjiveahkit, Norgga Rukses Ruossa ja Frelsesarméen leat organisašuvnnat mat leat eanemusat čoaggán. Dan čájehit Deloitte logut, mat leat váldon Fundraising-rapportas.
Álgán ruđalaččat doarjut
Siri Nodland, Norgga čoagginráđis, lohká norgalaččat leat utnolaččat mat alot leat buriin mielain dorjon.
– Dákko gokko mii láviimet álbmotgásain ovdal veahkehit, de leat norgalaččat álgán ruđalaččat doarjut, dadjá son preassadieđáhusas.
Oktiibuot háhke 2017:s 19,235 miljárda ruvnno, mii lea lássanan 7,4 proseanttain 2016:i rájes, dalle čoggojuvvui 17,915 miljárda ruvdno.
Áddet eambbo sosiála mediain
Deloitte preassadieđáhusas muitaluvvo ahte sosiála media lea šaddan dehálažžan organisašuvnnaide go galget čoaggit ruđaid.
Oallut organisašuvnnat muitalit ahte leat easka 2018:s álgán geavahit Facebooka go čogget ruđaid, juoga mii čájehuvvo ahte dat doaibma bures.
Go buohtastáhtta 2011:i loguiguin, de lea sosiála media lássanan ollu, sihke dego márkanfievrredeapmin ja čoagginkanálan.
Ilolažžat doarjaga ovddas
Márkanfievrrideapmikánalan lea Facebooka ráđđejeaddji. Eanas organisašuvnnat geavahit Facebooka márkanfievrrideapmin.
– Dat ruđat leat hui dehálaččat olbmuide miehta máilmmi. Mii leat nu ilolažžat doarjaga ovddas mii dagahii ahte mii beasaimet veahkehit 8,7 miljuvnna olbmo mat leat báhtaran soađis ja soahpameahttunvuođas, lohka Nodland.