Ođđa sátnejođiheaddjeevttohus
ROMSA: Hans Petter Kvaal (59) lea nammaduvvon Olgešbellodaga sátnejođiheaddjeevttohussan Romssa suohkanis. Son lea politihkken buot Davvi-norgga fylkkain dan rájes go lei 15-jahkásaš. Beaivválaččat lea Kvaal Norgga árktalaš studeanttaid ovttastusa hálddahuslaš direktevra. Son lea náitalan ja guovtti máná áhčči. – Lea stuora gudni jerrojuvvot dán ámmáhii ja illudan sakka jus beasan Romssa gávpoga sátnejođiheaddjin. Ii buoret bargu gávdnoše, dajai Kvaal preassakonferánssas. Romssa Olgešbellodat lei álggos evttohan ovddeš sátnejođiheaddji Jens Johan Hjorta sátnejođiheaddjeevttohussan, muhto son geassádii maŋŋel go Ovddádusbellodat bijai eaktun hilgut plánejuvvon bummaruđaid. Hjort gearggai maiddái irgalit Bargiidbellodahkii, muhto sii eai dáhto ovttasbargat Olgešbellodagain. Romssa Olgešbellodagas lea nammadančoahkkin ođđajagemánu 26. beaivvi.