Álttás lieggariikii lassánit diŋgojumit
Leat go jurddašan vuolgit lieggariikii geasset? De ávžžuha Apollo mátkefitnodat doamihit diŋgot mátki.
Maiddái dán geasi lea vejolaš mátkkoštit girdiin Álttás njuolga lieggariikii. Ja logut čájehit ahte Álttás leat diŋgon 10 proseantta eambbo go diibmá dáid muttuid. Apollo čállá ge ahte ođđajagimánnu lea dat mánnu goas hui oallugat diŋgojit reaissuid ja maiddái dán jagi lea Kreta dat mii orru eanemus beakkán.
– Jus áigu orrut dain fiidnámus orrunbáikkiin ja bivnnuheamos mátkebáikkiin, de berre nu árrat go vejolaš diŋgot. Ja dan orrot ge dál eambbogat fuomášan, lohká Apollo márkan- ja gulahallanovddasteaddji Tonje Løkaas Fossum.
Hellasa stuorámus sullui Kretai vurdo- juvvojit dán jagi mátkkoštit measta 170 000 norgalačča ja mearkkaša ge ahte Kreta lea norgalaččaid favorihtta báiki.
– Olbmot háliidit suokkardit ođđa beliid sullos. Sii háliidit earret eará vázzit sullos, galledit čihkkojuvvon gilážiid ja sáttogáttiid, lohká Fossum.