Imaštallan gii gintaliid doalvu girkogárddis
Dál leat mázelaččat gávnnahan mat dat leat.
dađi bahábut muhtumat main leat soajit geat vižžet daid.
Sáhkkis eallit mat ohcet biepmu
Norgga Ornitologalaš Searvvi bargi, Morten Ree, muitala manne son jáhkká garjjáid suoládit juste gintaliid.
– Sáhttá leat dan dihte go gintalis lea veahá buoideávnnas. Garjját leat hui sáhkkis eallit ja ohcet aivve biepmu. Geahččalit juohke diŋgga čuoggut oaidnin dihte lea go das mihkke maid sáhttá borrat. Juste dain, gintaliin, jáhkán daid fuobmán ahte sáhttet dain viežžat biepmu dál dálvet. Daidda lea dehálaš bisuhit buoiddi gorudis vai birgejit dálvvi, čilge Ree.
Ree muitala maid ahte eai suolát dušše gintaliid, muhto eará diŋggaid maid.
– Olu báikkiin suoládallet garjját golfaspáppaid ja girdilit daiguin juste fal dan dihte go áigot iskat sáhttá go daid borrat. Golfspábba han sulastahttá moni. Eanas lottit Norggas leat hui sáhkkit ja leat álo ohcamin biepmu, go lottit leat dakkárat mat borret juohke diŋgga, dadjá son loahpas.