Deanu gielda oažžu miljovnna kruvnna
NORGA: Ráđđehus dieđiha preassadieđáhusas ahte dat juolluda 78,5 miljovnna kruvnna eambbo fylkkagielddaid ja gielddaid sihkkelastin- ja vázzingeainnuide dán jagi. Romssa ja Finnmárkku fylkkas ozai Deanu gielda miljovnna kruvnna dakkár geainnuide, oažžu 1,1 miljovnna kruvnna. Leaŋgaviikka suohkan ozai ja oažžu 300 000 kruvnna.
– Mii háliidat vuoruhit sihkkelastin- ja vázzingeainnuid vai olbmot váccášedje dahje sihkkelasttášedje eambbo. Dát buoridivččii birrasa, johtolaga ja álbmotdearvvasvuođa, čilge johtolatministtar Jon Georg Dale.