ALBASAT BÁLLEJIT eal­lit dav­vin

Bi­ras­di­rek­toráhta ra­por­ta lea čál­lon skáb­mamánu loa­h­pas, 2018:s, ja das boahtá ov­dan ah­te Roms­sa ja Finn­márk­ku háld­dašan­gu­ovl­lus ii le­at dán ge jagi ra­hppon alb­bas­biv­du.

Avvir - - FORSIDE - Roy Art­hur Ol­sen [email protected]­vir.no

Gávccát bo­rass­pire­háld­dašan­gu­ovllu, Roms­sas ja Finn­márk­ku, bo­ra­spi­relávdegod­di lei ávžžu­han okti­ibu­ot nje­all­je al­ba­sa báhčit. Guok­te Roms­sas ja guok­te Finn­márk­kus. Bi­ras­di­rek­toráht­ta ii do­hkke­han lávde­got­ti ávžžu­husa ja me­ar­ri­dii ah­te ii ok­ta­ge alb­bas galg­ga báhččot háld­dašan­gu­ovl­lus.

– Mu mie­las gal lea oba heittot go ii šat­ta alb­bas­biv­du. Mii bár­tideim­met di­ibmá si­h­ke čakčaoro­ha­gas ja go ol­li­i­met dálveoro­ha­hkii, mui­tala boazosápme­laš gii lea bárti­dan al­ba­si­in, Jo­han Iv­vár Gaup ja joat­ká:

– Mii oaid­nit ah­te alb­bas lea laskan maŋe­mus jagi­id. Mii eat le­at ov­dal bárti­dan al­ba­si­in dálveoro­ha­gas. Dat eai le­at ov­dal dál, maŋe­mus jagi­id, ih­ti­goahtán dei­ke.

God­dá eane­mus

Alb­bas lea dat bo­ra­spi­re mii daga­ha eane­mus va­hági­id, duođaštuv­von lo­guid vuođul. Stá­da Luond­du­be­ar­ráige­a­hču (SNO) bo­ra­spi­re­ok­tavuođat duođašted­je 2016/2017 boazo­do­al­lo­ja­gis ah­te alb­bas lei god­dán 281 bohcco. Jagi maŋŋel, 2017/2018, lei lo­hku 341. Dat lea sul­lii 17 prose­ant­ta las­sáne­ap­mi. Dan rádjái go Bi­ras­di­rek­toráhta ra­por­ta ráh­ka­duv­vui led­je 77 bohcco duođaštuv­von god­don al­ba­sii. Gaup mui­tala dol­von god­don bohc­cuid SNO:I dárk­kiste­ap­mái si­h­ke čakčat ja dál­vet.

– Ok­ta man dol­von dárk­kiste­ap­mái gal lei nu bora­hal­lan ah­te dan eai sáht­tán duođaštit. Okti­ibu­ot lean dol­von viht­ta, ja nje­all­je dain le­at duođaštuv­von god­don al­ba­sii. Ja dat lea dušše čakčaoro­ha­gas, dad­já son.

– Go dálveoro­ha­hkii ol­li­i­met, de fas gottii alb­bas bohc­cuid. Muhto mun in dieđe siđai go son, gii dal­le vuhtii al­ba­si­id, SNO boahtit dárk­kistit luot­taid, joat­ká Gaup.

Ii le­at jok­san nállemihtu

Gávccát bo­rass­pi­re­gu­ov­lu ii le­at jok­san alb­bas­nállemihtu maŋe­mus viđa ja­gis. Go nál­li lea Bi­ras­direk- toráhta mihtu vuol­de, de lea di­rek­toráht­ta mii bidjá ea­ri. Vai ear­ri galgá bid­d­jot, de lea eak­tu ah­te nál­li ce­avzá. Bi­ras­di­rek­toráht­ta lea árv­voštal­lan ah­te alb­bas­nál­li ii le­at doar­vái bad­jin, ja nu ii sáh­te ra­hpat alb­bas­bivd­du Roms­sas ja Finn­márk­kus. Boazosápme­laš lo­hká SNO bar­gan heajos barg­gu dárk­kistemi­in ja kártemi­in, dan­ne eai dieđe man ollu albasat Finn­márk­kus ja Roms­sas gávd­no­jit.

– Mii le­at si­h­ke čakčat ja dál­vet vuoht­tán al­ba­sa mas lea čivga. Stuora ja unna luod­da mat led­je vánd­dar­dan fár­ro­laga. Muhto SNO ii as­tan boahtit duođaštit ja guor­rat luot­taid. Mu mie­las gal lea oba heittot go SNO ii boađe dárk­kistit ja is­kat go mii geat ollu vánd­dardit meahcis vuoht­tit ja dieđi­hit sidjii­de. Maŋe­mus man­nan čavčča vási­hin dan, čil­ge Gaup.

Ii mieđit cuiggode­ap­mái

Ált­tá SNO bar­gi, Ken Gø­ran Ugle­bak­ken ii dovd­da deaiv­va­hal­lan čuočču­hus­ain ah­te sii le­at bar­gan heajos barg­gu.

– Dat áid­na gu­ov­lu Finn­márk­kus di­ibmá gos alb­bas re­gist­rere­juv­vui čivggain lea Ált­tá suo­hka­nis. Mii oačču­i­met bir­ra­sii logi dieđu dan se­am­ma be­a­rašjo­av­kku bir­ra ja de ii le­at lund­do­laš juo­hke há­ve vuol­git guora­dit. Jus Gaup lea dieđi­han be­a­rašjo­av­kku gu­ovt­ti čuog­gá gask­ka gos ov­dal lea duođaštuv­von, de eat vuolg­ge duođaštit, go de lea hup­mu se­am­ma be­a­rašjo­av­kkus, dad­já Ugle­bak­ken.

Son mui­tala vi­idá­sit ah­te be­a­rašjo­av­ku lea re­gist­rere­juv­von Ált­tájoga rájes git­ta Lákkon­járgii ja ah­te Ált­tá suo­hka­nis ja­hkásaččat re­gist­rere­juv­vo­jit ođđa be­a­rašjo­av­kk­ut.

– Dábálaččat re­gist­rere­juv­vo­jit dáp­pe ok­ta da­hje guok­te be­a­rašjo­av­kku.

Ávžžu­ha dieđi­hit

Dán ja boaht­te mánu lea vel ve­jo- laš re­gist­re­ret be­a­rašjo­av­kkuid. Bi­ras­di­rek­toráht­ta lea bid­jan áigemea­ri gu­ov­vamánu lo­hppii duođaštit ođđa be­a­rašjo­av­kkuid. Maŋŋel áigemea­ri guođđá njiŋŋe­las čivgga, ja rávis eal­lit fas vánd­dar­diš­gohtet fár­ro­laga. Ugle­bak­ken ávžžu­ha olbmuid dieđi­hit jus vuht­tet be­a­rašjo­av­kkuid.

– Jus boaht­te jagi galgá šad­dat biv­doe­ar­ri, de ferte­jit olbmot dieđi­hit go vuht­tet al­ba­si­id fár­ro­laga. Jus lea ođđa be­a­rašjo­av­ku, mii ii le­at duođaštuv­von ov­dal, de di­nes­ta vel 15 000 ruvnno cav­gi­leami ovd­das, dad­já son ja loa­h­pa­ha:

– Mii vuol­git olg­gos go oažžut dieđu be­a­rašjo­av­kkuid bir­ra, miht­tu lea re­gist­re­ret bu­ot al­ba­si­id.

Gov­va: Jo­han Iv­vár Gaup priváhta gov­va Čájáhus­gov­va: Heikko Jun­ge / NTB Scan­pix

II BIVDU: Al­ba­si­id ii bea­sa dán ge jagi biv­dit Roms­sas ja Finn­márk­kus. Bi­ras­di­rek­toráht­ta oaiv­vil­da ah­te nállemiht­tu ii le­at ola­huv­von.

HEITTOT: Jo­han Iv­vár Gaup oaiv­vil­da ah­te lea heittot go ii šat­ta alb­bas­biv­du dán ge jagi.

Newspapers in Northern Sami

Newspapers from Norway

© PressReader. All rights reserved.