Lieggačáhci GOLGÁ JOHKII
Čáhcebuhtistanrusttegis Kárášjoga golgá liige čáhci johkii, mii lea nu liekkas ahte jahkásaččat ihttá suddi.
Kárášjoga gieldda čáhcebuhtistanrusttet lea guovdu márkana, johkagáttis bajá bealde šaldi. Ávvir dieđu mielde ballet olbmot kloáhka golgamis johkii, dálvet ihtá suddi gokko gieldda čáhce- buhtistanrusttetrevrre boahtá johkii.
Kárášjoga gieldda teknihkalašossodaga jođiheaddji Helge Nystad mielas lea buorre go olbmot čuvvot mielde, ja váruhit jus orrot boasttuvuođat gielddas.
– Dat mii golgá johkii lea čáhci, mii lea buhtistuvvon. Lea liegga čáhci ja dan sivas ihtá juohke jagi suddi, čilge Helge Nystad.
Sáhttá juhkat čázi
Kárášjoga gielda sádde iskosii Supmii, ja dán rádjai ii leat duođaštuvvon iskosiin ahte lea nuoskiduvvon čáhci mii golgá johkii.
– Ii galgga leat duolvačáhci, čáhci lea nu buhtis ahte sáhttá juhkat, dadjá Helge Nystad. Son muitala máddin buhtistuvvo dat liigečáhci dan mađe ahte geavahit juhkan čáhcin. Kárášjoga gielddas eai daga gal dan.
Šálloša go eai leat galben
Juohke jagi ihtá suddi gokko čáhci golgá johkii, gielda ii leat sutti gal- ben ja dan gal šálloša Helge Nystad.
– Lea min heittotvuohta go eat leat galben sutti. Leimmet galgan merket dakko, livčče hui váivi jus olbmot mannet jieŋa čađa go lea váilevaš galben, dadjá Helge Nystad. Son lohká iežas áigut iskat vejolašvuođaid galbet.
– Ii leat čieŋal gokko revrre boahtá johkii, dan sivas ii jieŋo johka, loahpaha son.