– Dii oažžubehtet 24 diimmu jávkadit neahttaášši
– Dii oažžubehtet 24 diimmu jávkadit neahttaášši. Jus ehpet daga dan, de giddet dán neahttasiiddu Ruoššas, dieđiha Ruošša goziheaddji Roskomnadzor reivves man lea sádden Barents Observerii.
Dán dieđiha Barents Observer neahttasiiddus gaskavahkku.
Ášši lea sámi homofiila dievddu birra geas lea guhkes ja lossa mátki leamaš dohkkehit iežas soju, mii dál lea boktán stáhta mediagozihanautoritehta Roskomnadzor.
Ođđajagemánu 28.beaivvi sáddii Roskomnadzor reivve Barents Observerii mas gohčču váldit eret ášši neahttasiiddus mii lea ruoššagillii maid jorgaluvvon.
Ášši lea ovdal almmuhuvvon Arjep- lognytt magasiinnas ja Samefolket magasiinnas.
Roskomnadzor čuoččuha áššis čilgejuvvot movt galgá earret eará iežas heakkahuhttit.
Ii áiggo jeagadit
Barents Observera redaktevra Thomas Nilsen ii loga čuovvut Ruošša goziheddjiid ávžžuhusa.
– Eat gease ášši ruovttoluotta, lohká redaktevra čielgasit.
– Dat lea dehálaš historjá muitalit. Lea mediaid rolla bajidit sin jienaid geat leat dovdduid čiegadan dahje eai dovdda dohkkehuvvon. Dá lea ášši duostilis dievddu birra. Mii leat rápmásat go almmuhit ášši ođđasit mii lea leamaš Arjeplognyttas, lohká Nilsen.