HOROSKOHPA - boahtte vahkku
FIERCA
Dál leat dus ollu liigenávccat maid lea dehálaš geavahit iige daid seastit. Don maid johtilit earduduvvot jus lea vuosttaldeapmi, nu ahte garvve olbmuid duolbmumis, ja leage gierdil vaikko hárdašuvat. Dál oaččut dakkár gáibádusaid maiguin guhkit áigge vuollái nanusmuvat. Dat guoská maid bargosadjái, gos oaččut vuorddekeahtes doarjaga, jus veháš eanebuš návccaid bijat iežat bargguide.
VUOKSÁ
Dus lea buorre iešdovdu ja válddát maid ovddasvástádusa, barggus dahje skuvllas beasat ge dál čájehit maid máhttát. Don leat maid čeahppi iežat ovddas hállat ja ovddidit iežat oainnuid. Muhto muhtin, geasa dovddat ovddasvástádusa, vikkaha dutnje eanet go mii dutnje orru vuogas, ja das maid deaividat geatnegasvuođaid maid it sáhte beahttit. Soaitá son dárbbašit, gii dus vuordá veahki, baicce ieš veahkehit iežas.
JUMEŽAT
Guoibmi dahká dál válljejumi mii ii heive dan áddejupmái mii dus lei sutnje. Geahččal áddet su ovdal go álgit čilget dahje nágget, go das sáhttá leat ahtanuššan mii dutnje lea maid ávkin. Du persovnnalaš ovdáneapmi sáhttá leat danin go fertet bealuštit iežat oaiviliid ja nie šattat eanet dihtomielalaš iežat árvvuide.
REABBÁ
Barggus leat dál duhtavaš jođihanbargguin, muhto muitte fal earáid ákkaid maid duođalaččat váldit jus áiggut čađahit juoga. Dat vuordámušat, mat ledje muhtin earái, sáhttet dál boatkanit go son čájeha mo son duođai lea. Dat sáhttá maid boahtit das go leahppi ovdánan goabbat guvlui, ja dan birra lea dál dárbu háleštit.
LEDJON
Barggus vásihuvvojit geatnegasvuođat ja rutiidnabarggut lossadeabbon go dábálaččat, muhto don ahtanušat dainna ja válddát dan duođalaččat. Don leat duostil ja liikot ovttastallat earáiguin ja dan dárbbašat maid. Don fuomášat maid máŋga buori fuomášumi maid ovttas sáhttibeahtti bargat. Muhto lea vejolaš don earddut dainna go earát váldet menddo ollu saji. Dál lea vuogas áigi deaivvadit fas boares ustibiiguin ja maiddái oahpásnuvvat earáiguin, sáhttet maid leat romantihkkavásáhusat.
BUHTISNIEIDA
Ruktui dahje bearrašii bohtet dál ođđa vejolašvuođat, dahje hástalusat, mat leat leamaš viissis áigge, oaidnigohtet loahpa. Don beroštišgoađát dál eanet ruohttasiin, ja dárbbašat čilgejuvvot mii ovdalis áigge lea dáhpáhuvvan. Sáhttá son muhtin boarrásut fuolki muitalit maidige? Don earduduvvot muhtin gáibádussii mii boahtá almmolašvuođas. It galggaše menddo johtilit mearridit das mii ii leat bures smihttojuvvon.
VIEHKAT
Muhtin vuorddekeahtes guossi boahtá ja dat movttiidahttá. Dus leat ollu maid attát sosiálalaččat ja leat hutkái, ja áŋgirušat bargguide. Dát guoská maid romantihkkii. Dál háliidat iežat láhkai bargat, ja leat mášoheapme ja earduduvvot jus ovttasbargoustibat maid seaguhuvvojit dasa. Muitte, bastilis dajaldagat eai buvtte buori.
SKORPIUVDNA
Don vásihat ovdáneami ruhtadilis go oainnát vejolašvuođaid ja duosttat jierpmálaččat áŋgiruššat. Vaikke leat dál ollu návccat, de lea váttis gávdnat maid guovdilastá, nu ahte váldde ovtta lávkki háválassii. Ruovttus dahje bearraša gaskkas dovddat mášoheapmin jus earát galget stivret, erenoamážit barggus leat mášoheapme, loga logi rádjái jus dovddat hárdašuvvamin.
BÁHČČI
Dán vahkus leat sáhkkii ja ohcalas, ja áŋgirušat menddo ollu oktanaga. Danin lea dehálaš plánet beivviid. Lihkkoplanehta geažil leat optimisttalaš ja čuovggat movttegisvuođain mii geasuha skihpáriid. Don vásihat maiddái ahte máŋga ášši čovdojuvvojit. Muhto dál lea maid dat áigi goas lea álki lossut, nu ahte fertet vehá garvit menddo ollu borramis.
BÁKTEBOHKKÁ
Don geahčat kritihkalaččat iežat gaskavuođa mii lea earáide, ja árvvoštalat makkár ustitvuođa gánniha joatkit. Smiehtas ovdal go válljet geainna ge botket oktavuođa. Ođđa oahpásmuvvan buktá ođđa movtta. Oidno maid ruđalaš vuoitu, muhto das gáibuduvvo johtilis mearrádus. Dás lea álki duolmmastit boastut, oza ráđi ovdal go maidige dagat.
ČÁHCEOLMMÁI
Dál leat eanet láđismeahttun ja bilkálas go muđui, dan seammás leat maid impulsiiva. Smiehtas fal mas it earáid loavkašuhttit. Muhtin skihpáriin háleštettiin bohciidit máŋga fuomášumi, ja daid lea dehálaš vurket vai eai vajálduhtto. Dál lea láki geavahit stuora lohpádusaid, maid dattetge it doala. Garvve dubmemis ođđa oahppása, go sus han soitet buoret bealit maid don it fuomáš.
GUOLIT
Ruđalaš gáibádus sáhttá dahkat ahte fertet bealuštit dan maid don oaivvildat lea du. Lea buoret earáiguin juogadit ovdal go ieš ráivut visot ja de riiddáskit. Muhtin joavku dahje organisašuvdna gos áŋgirušat lea dál earáhuvvan, dahje it leat šat nu viššal doppe doaimmahit. Dat sáhttá leat dušše oanehis áigge dahku, ja lea vuogas guovdilastit ja čađahit dan maid leat juo álgán.