MEARKABEAIVI 2.2. - Ginttalbeaivi
Jagi goalmmát mearkabeaivi sápmelaččain lea Ginttalbeaivi guovvamánu nuppis. Ginttalbeaivve doddjo dálvvi čielgi. Dát mearkkaša dan, ahte dálvi lea beallemuttus ja áigi jorggiha fas geasi guvlui.
Juos ginttalbeaivve lea garra buolaš, buollašat biste guhká. Muhto jus leat liehmus dálkkit, dat dihte bivvaliid oppa giđđii.
Dološ sámit álggahedje goddebivddu dalán ginttalbeaivve maŋŋá. Maiddái sávzzain beaskiduvvui dálveullu dáid sulaid.
Ginttalbeaivi lea girkolaš bassi, mii dollojuvvo Jesus máná tempelii buktima, muitun. Ginttalbeaivi lea maid Maria buhtistusa muitobassi. Katolihkalaš girkuin ginttalbeaivve sivdniduvvojedje girkogintalat, mas dán basi nammage lea boahtán. Gatnjalat
«Sii geat gatnjaliiguin gilvet, galget ávuin láddjet.» Sálbma 126, 5. Gatnjalat čuvvot olbmo gietkamis gitta hávdái. Muhtin dajai ná, «Eallin lea šuohkki šaldi joga rastá maid gatnjalat dahket». Gatnjalat gullet eallimii. Manne mii dalle leat nu balus gatnjaliid čájehit? Mun mearkkašan ahte muhtimat šállošit ja átnot ándagassii jus gatnjalat golget. Dan dihtii ollugat čihket dovdduideaset, vai eai oro leame rašit. Gatnjalat eai leat apmasat guđege olbmui. Gatnjalat golget dávjá lunddolaččat go dovdá morraša, bákčasa ja leat lossa ja váttis vásáhusat. Muhto illugatnjaliid lea buorre luoitit golgat dalle go dat lea lunddolaš. Lea buor-