Liekkas ja somá lávus
laččat, muhto dálvet ii leat nu. Dalle čuollat guokte guddo maid gohčodat oaivedilohin man ala bidjá dola. Dalle lea dolla loktasis ja buollá buorebut, lohká Áilen Nigá Máhtte. Son deattuha ahte lávvosadji lea hui dehálaš, ii galgga cegget lávu nu ahte dolla šaddá roggái.
Divrasamos muorra
Cahkkehat lea soarvi, ja son muitala dolin lei soarvi buot divraseamos.
– Dan vurkkodedje go soarvi adnui birra jagi meahcis, dadjá Áilen Nigá Máhtte.
Ollu doahpagat
Sámegielas gávdnojit badjel 20 dolladoahpaga. Sámi dolladiehtu lea leamaš hui stuoris.
– Háhkat boaldámuša ja cahkkehit dola lea leamaš dáppe davvi, gálbma guovlluin čadnon birgemii. Ii livčče eallin jos eat livčče máhttán cahkkehit dola galbma ráššodálkin, dahje buolašin dálvit ja gassa muohttagis, dadjá Sámi Árbediehtoprošeavtta jođiheaddji, Jorunn Eikjok.
Máhttu áitojuvvon
Son lohká prošeavtta ásahuvvon go oidne dárbbu loktet sámi dieđalašvuođa árvvu ja máhtu. Prošeavtta ulbmil lea čájehit ja oahppat sámi árbevirolaš máhtu eanandoalus ja meahcásteamis. Sámegielas lea stuorra riggodat go galgá čilget luonddubirrasa, elliid ja sámi birgejumi.
– Máhttu čadnon fáttáide lea áitojuvvon, dadjá Eikjok.