– Deanusoahpamuš njuo
Norgga ja Suoma beale Deanučázádaga vuoigatvuođalaččat fitne gieskat Helssegis čoahkkinastimin Suoma ja Norgga eiseválddiiguin Deanučázádaga hálddašeami birra.
Norgga ja Suoma Deanučázádaga vuoigatvuođa ovddasteaddjit fitne mannan mánus Helssegis čoahkkinastimin Norgga ja Suoma eiseválddiiguin mo viidáseappot hálddašit Deanučázádaga. Norgga beale Deanučázádaga ovddastii Deanučázádaga Guolástanhálddahus ja Suoma beale vuoigatvuođalaččaid ovddasteigga Mika Aikio ja Anne Nuorgam.
– Mii leat gárvvistan dan buorre muddui maid leat šiehtadaddan gaskaneaset. Dát sáddejuvvo gulaskuddamii hui jođánit ja lea boađi boađi. Lean hui duhtavaš čoahkkimiin, lohká DG stivrrajođiheaddji Reidar Varsi vaikko buot áššiid ii lean vejolaš gávppašit.
Guokte sona dáža bealde
DG stivrrajođiheaddji Reidar Varsi muitala okta daid áššiin maid digaštalle ja gálge, lei sona ášši. Norga ja Suopma sáhttet guktot vuovdit 5.500 gáddekoartta ja 5.500 fanaskoartta. Suoma bealde nagodedje diibmá vuovdit iežaset koarttaid, muhto eai Norggas.
– Dán rádjái leamaš dáža bealde njeallje gáddesona, ja ledje heivehuvvon Suoma beale dili mielde, mat leat leamaš doppe guhkkit áigge. Muhto dat eai heiven dáža beallái nu bures go infrastruktuvra váilu. Nu ahte evttoheimmet guokte sona Norgga beallái ja dasa ledje mielas. Mii nagodeimmet dušše diibmá vuovdit 38 proseantta daid gáddekoarttain, lohká Reidar Varsi.
Sivvan dasa lea go infrastruktuvra ii leat seamma lágan go Suoma bealde. Norggas lea váddáseappot beassat buorre bivdobáikkiide go Suoma bealde.
Olu áššit njulge
DG stivrrajođiheaddji Reidar Varsi mielas njulge olu áššit Helssetmátkkis. Muitala dilli lea nu ahte beannot jagi