Dušše finnmárkulaš politiijastudeanttat lassánit
Unnit studeanttat háliidit šaddat politiijan, dušše Norgga davimus fylkkas lassánit ohcamušat Politiijaallaskuvlii.
Oktiibuot leat 4063 olbmo ohcan politiijaid bachelorohppui. Ohcciidlohku lea njiedjan 643 studeanttain 2018 rájes. Buot politiijaguovlluin, earret Finnmárkkus njidjet ohccit. Finnmárkkus ohce dán jagi 61 studeantta politiijaohppui, dát lea 3,3 proseantta eanet go diibmá.
Obbalaččat leat Davvi-norgga politiijaguovlluin unnimus ohccit politiijaohppui, muhto seammás ásset guovllus maiddái unnimus olbmot.
Innlandet ja Sør-øst politiijaguovlluin njidjet studeantalogut eanemusat, namalassii 22,3 ja 29,3 proseanttain.