Dán jagi ávvuduvvo girjejáhki 2019
Dán jagi ávvuduvvo Girjejahki 2019. Finnmárkku fylkkagirjerájus lágida dan oktavuođas doaluid girjerádjosiin miehtá fylkka.
Finnmárkku fylkkagirjerájus lea ožžon 450 000 ruvnno doarjjan lágidit turneaid ovttas fylkka girjerádjosiiguin. Turneas maid leat gohčodan «På kanten av myra» (sámegillii jeaggegáttis) leat mielde máŋga dovddus davvinorgalaš girječálli. Dán dieđiha Finnmárkku fylkkagirjerájus preassadieđáhusas.
Dán jagi lea 500 jagi dassái go vuosttaš dárogiel girji deaddiluvvui, ja Norga lea ge dán jagi okta guosseriikkain beakkán girjemeassuin Frankfurtas. Dan oktavuođas lea Našunálagirjerájus juohkán 27 miljovnna ruvnno girjerádjosiidda ja eará ásahusaide dainna ulbmilin ahte doarjja galgá adnot gaskkustit lohkanmovtta girjejagi oktavuođas. 15 miljovnna ruvnno dáin ruđain lea juolluduvvon álbmot- ja fylkkagirjerádjosiidda.
Álbmotgirjerádjosiin doalut
Finnmárkkus galledit gierdomátkki oktavuođas álbmotgirjerádjosiid. Leat máŋggabealat doalut ja doalut buot ahkejoavkkuide. Vuosttaš turnea Girjejagi 2019 čalmmustahttima oktavuođas leage «På kanten av myra». Dasa searvaba girječállit Laila Stien ja Liv Lundberg, ja dát lágiduvvo vahkku 21 miessemánu dán jagi.
Vahku 23 geassemánus lea Per Ivar Somby ja Tharaniga Rajah vuorru vuolgit gierdomátkái girjjiin “Folket under nordlyset” ja “Det er lenge til skumring” . Čakčat šaddet gierdomátkkit Asbjørn Jaklinain ja Finnmárkku nieiddain mii maid vuittii “havmannprisen 2019” nammasaš bálkkašumi Kathrine Nedrejord.